विष्णुपादादिकेशान्तस्तोत्रम्

लक्ष्मीभर्तुर्भुजाग्रे कृतवसति सितं यस्य रूपं विशालंनीलाद्रेस्तुङ्गशृङ्गस्थितमिव रजनीनाथबिम्बं विभाति ।पायान्नः पाञ्चजन्यः स दितिसुतकुलत्रासनैः पूरयन्स्वै-र्निध्वानैर्नीरदौघध्वनिपरिभवदैरम्बरं कम्बुराजः ॥ १ ॥
Edit Permalink Bookmark
आहुर्यस्य स्वरूपं क्षणमुखमखिलं सूरयः कालमेतंध्वान्तस्यैकान्तमन्तं यदपि च परमं सर्वधाम्नां च धाम ।चक्रं तच्चक्रपाणेर्दितिजतनुगलद्रक्तधाराक्तधारंशश्वन्नो विश्ववन्द्यं वितरतु विपुलं शर्म घर्मांशुशोभम् ॥
Edit Permalink Bookmark
अव्यान्निर्घातघोरो हरिभुजपवनामर्शनाध्मातमूर्ते-रस्मान्विस्मेरनेत्रत्रिदशनुतिवचःसाधुकारैः सुतारः ।सर्वं संहर्तुमिच्छोररिकुलभुवनं स्फारविष्फारनादःसंयत्कल्पान्तसिन्धौ शरसलिलघटावार्मुचः कार्मुकस्य ॥
Edit Permalink Bookmark
जीमूतश्यामभासा मुहुरपि भगवद्बाहुना मोहयन्तीयुद्धेषूद्धूयमाना झटिति तटिदिवालक्ष्यते यस्य मूर्तिः ।सोऽसिस्त्रासाकुलाक्षत्रिदशरिपुवपुःशोणितास्वादतृप्तोनित्यानन्दाय भूयान्मधुमथनमनोनन्दनो नन्दको नः ॥
Edit Permalink Bookmark
कम्राकारा मुरारेः करकमलतलेनानुरागाद्गृहीतासम्यग्वृत्ता स्थिताग्रे सपदि न सहते दर्शनं या परेषाम् ।राजन्ती दैत्यजीवासवमदमुदिता लोहितालेपनार्द्राकामं दीप्तांशुकान्ता प्रदिशतु दयितेवास्य कौमोदकी नः ॥
Edit Permalink Bookmark
यो विश्वप्राणभूतस्तनुरपि च हरेर्यानकेतुस्वरूपोग्रं संचिन्त्यैव सद्यः स्वयमुरगवधूवर्गगर्भाः पतन्ति ।चञ्चच्चण्डोरुतुण्डत्रुटितफणिवसारक्तपङ्काङ्कितास्यंवन्दे छन्दोमयं तं खगपतिममलस्वर्णवर्णं सुपर्णम् ॥ ६ ॥
Edit Permalink Bookmark
विष्णोर्विश्वेश्वरस्य प्रवरशयनकृत्सर्वलोकैकधर्तासोऽनन्तः सर्वभूतः पृथुविमलयशाः सर्ववेदैश्च वेद्यः ।पाता विश्वस्य शश्वत्सकलसुररिपुध्वंसनः पापहन्तासर्वज्ञः सर्वसाक्षी सकलविषभयात्पातु भोगीश्वरो नः ॥
Edit Permalink Bookmark
वाग्भूगौर्यादिभेदैर्विदुरिह मुनयो यां यदीयैश्च पुंसांकारुण्यार्द्रैः कटाक्षैः सकृदपि पतितैः संपदः स्युः समग्राः ।कुन्देन्दुस्वच्छमन्दस्मितमधुरमुखाम्भोरुहां सुन्दराङ्गींवन्दे वन्द्यामशेषैरपि मुरभिदुरोमन्दिरामिन्दिरां ताम् ॥
Edit Permalink Bookmark
या सूते सत्त्वजालं सकलमपि सदा संनिधानेन पुंसोधत्ते या तत्त्वयोगाच्चरमचरमिदं भूतये भूतजातम् ।धात्रीं स्थात्रीं जनित्रीं प्रकृतिमविकृतिं विश्वशक्तिं विधात्रींविष्णोर्विश्वात्मनस्तां विपुलगुणमयीं प्राणनाथां प्रणौमि ॥
Edit Permalink Bookmark
येभ्योऽसूयद्भिरुच्चैः सपदि पदमुरु त्यज्यते दैत्यवर्गै-र्येभ्यो धर्तुं च मूर्ध्ना स्पृहयति सततं सर्वगीर्वाणवर्गः ।नित्यं निर्मूलयेयुर्निचिततरममी भक्तिनिघ्नात्मनां नःपद्माक्षस्याङ्घ्रिपद्मद्वयतलनिलयाः पांसवः पापपङ्कम् ॥
Edit Permalink Bookmark
रेखा लेखादिवन्द्याश्चरणतलगताश्चक्रमत्स्यादिरूपाःस्निग्धाः सूक्ष्माः सुजाता मृदुललिततरक्षौमसूत्रायमाणाः ।दद्युर्नो मङ्गलानि भ्रमरभरजुषा कोमलेनाब्धिजायाःकम्रेणाम्रेड्यमानाः किसलयमृदुना पाणिना चक्रपाणेः ॥
Edit Permalink Bookmark
यस्मादाक्रामतो द्यां गरुडमणिशिलाकेतुदण्डायमाना-दाश्च्योतन्ती बभासे सुरसरिदमला वैजयन्तीव कान्ता ।भूमिष्ठो यस्तथान्यो भुवनगृहबृहत्स्तम्भशोभां दधौ नःपातामेतौ पयोजोदरललिततलौ पङ्कजाक्षस्य पादौ ॥
Edit Permalink Bookmark
आक्रामद्भयां त्रिलोकीमसुरसुरपती तत्क्षणादेव नीतौयाभ्यां वैरोचनीन्द्रौ युगपदपि विपत्संपदोरेकधाम ।ताभ्यां ताम्रोदराभ्यां मुहुरहमजितस्याञ्चिताभ्यामुभाभ्यांप्राज्यैश्वर्यप्रदाभ्यां प्रणतिमुपगतः पादपङ्केरुहाभ्याम् ॥
Edit Permalink Bookmark
येभ्यो वर्णश्चतुर्थश्चरमत उदभूदादिसर्गे प्रजानांसाहस्री चापि संख्या प्रकटमभिहिता सर्ववेदेषु येषाम् ।प्राप्ता विश्वंभरा यैरतिवितततनोर्विश्वमूर्तेर्विराजोविष्णोस्तेभ्यो महद्भ्यः सततमपि नमोऽस्त्वङ्घ्रिपङ्केरुहेभ्यः ॥
Edit Permalink Bookmark
विष्णोः पादद्वयाग्रे विमलनखमणिभ्राजिता राजते याराजीवस्येव रम्या हिमजलकणिकालंकृताग्रा दलाली ।अस्माकं विस्मयार्हाण्यखिलजनमनःप्रार्थनीया हि सेयंदद्यादाद्यानवद्या ततिरतिरुचिरा मङ्गलान्यङ्गुलीनाम् ॥
Edit Permalink Bookmark
यस्यां दृष्ट्वामलायां प्रतिकृतिममराः संभवन्त्यानमन्तःसेन्द्राः सान्द्रीकृतेर्ष्यास्त्वपरसुरकुलाशङ्कयातङ्कवन्तः ।सा सद्यः सातिरेकां सकलसुखकरीं संपदं साधयेन्न-श्चञ्चच्चार्वंशुचक्रा चरणनलिनयोश्चक्रपाणेर्नखाली ॥
Edit Permalink Bookmark
पादाम्भोजन्मसेवासमवनतसुरव्रातभास्वत्किरीट-प्रत्युप्तोच्चावचाश्मप्रवरकरगणैश्चित्रितं यद्विभाति ।नम्राङ्गानां हरेर्नो हरिदुपलमहाकूर्मसौन्दर्यहारि-च्छायं श्रेयःप्रदायि प्रपदयुगमिदं प्रापयेत्पापमन्तम् ॥
Edit Permalink Bookmark
श्रीमत्यौ चारुवृत्ते करपरिमलनानन्दहृष्टे रमायाःसौन्दर्याढ्येन्द्रनीलोपलरचितमहादण्डयोः कान्तिचोरे ।सूरीन्द्रैः स्तूयमाने सुरकुलसुखदे सूदितारातिसंघेजङ्घे नारायणीये मुहुरपि जयतामस्मदंहो हरन्त्यौ ॥
Edit Permalink Bookmark
सम्यक्साह्यं विधातुं सममिव सततं जङ्घयोः खिन्नयोर्येभारीभूतोरुदण्डद्वयभरणकृतोत्तम्भभावं भजेते ।चित्तादर्शं निधातुं महितमिव सतां ते समुद्रायमानेवृत्ताकारे विधत्तां हृदि मुदमजितस्यानिशं जानुनी नः ॥
Edit Permalink Bookmark
देवो भीतिं विधातुः सपदि विदधतौ कैटभाख्यं मधुं चा-प्यारोप्यारूढगर्वावधिजलधि ययोरादिदैत्यौ जघान ।वृत्तावन्योन्यतुल्यौ चतुरमुपचयं विभ्रतावभ्रनीला-वूरू चारू हरेस्तौ मुदमतिशयिनीं मानसे नो विधत्ताम् ॥
Edit Permalink Bookmark
पीतेन द्योतते यच्चतुरपरिहितेनाम्बरेणात्युदारंजातालंकारयोगं जलमिव जलधेर्वाडबाग्निप्रभाभिः ।एतत्पातित्यदान्नो जघनमतिघनादेनसो माननीयंसातत्येनैव चेतोविषयमवतरत्पातु पीताम्बरस्य ॥ २१ ॥
Edit Permalink Bookmark
यस्या दाम्ना त्रिधाम्नो जघनकलितया भ्राजतेऽङ्गं यथाब्धे-र्मध्यस्थो मन्दराद्रिर्भुजगपतिमहाभोगसंनद्धमध्यः ।काञ्ची सा काञ्चनाभा मणिवरकिरणैरुल्लसद्भिः प्रदीप्ताकल्यां कल्याणदात्री मम मतिमनिशं कम्ररूपा करोतु ॥
Edit Permalink Bookmark
उन्नम्नं कम्रमुच्चैरुपचितमुदभूद्यत्र पत्रैर्विचित्रैःपूर्वं गीर्वाणपूज्यं कमलजमधुपस्यास्पदं तत्पयोजम् ।यस्मिन्नीलाश्मनीलैस्तरलरुचिजलैः पूरिते केलिबुद्ध्यानालीकाक्षस्य नाभीसरसि वसतु नश्चित्तहंसश्चिराय ॥
Edit Permalink Bookmark
पातालं यस्य नालं वलयमपि दिशां पत्रपङ्क्तीर्नगेन्द्रा-न्विद्वांसः केसरालीर्विदुरिह विपुलां कर्णिकां स्वर्णशैलम् ।भूयाद्गायत्स्वयंभूमधुकरभवनं भूमयं कामदं नोनालीकं नाभिपद्माकरभवमुरु तन्नागशय्यस्य शौरेः ॥
Edit Permalink Bookmark
आदौ कल्पस्य यस्मात्प्रभवति विततं विश्वमेतद्विकल्पैःकल्पान्ते यस्य चान्तः प्रविशति सकलं स्थावरं जङ्गमं च ।अत्यन्ताचिन्त्यमूर्तेश्चिरतरमजितस्यान्तरिक्षस्वरूपेतस्मिन्नस्माकमन्तःकरणमतिमुदा क्रीडतात्क्रोडभागे ॥
Edit Permalink Bookmark
कान्त्यम्भःपूरपूर्णे लसदसितवलीभङ्गभास्वत्तरङ्गेगम्भीराकारनाभीचतुरतरमहावर्तशोभिन्युदारे ।क्रीडत्वानद्धहेमोदरनहनमहाबाडवाग्निप्रभाढ्येकामं दामोदरीयोदरसलिलनिधौ चित्तमत्स्यश्चिरं नः ॥
Edit Permalink Bookmark
नाभीनालीकमूलादधिकपरिमलोन्मोहितानामलीनांमाला नीलेव यान्ती स्फुरति रुचिमती वक्त्रपद्मोन्मुखी या ।रम्या सा रोमराजिर्महितरुचिकरी मध्यभागस्य विष्णो-श्चित्तस्था मा विरंसीच्चिरतरमुचितां साधयन्तीश्रियं नः ॥
Edit Permalink Bookmark
संस्तीर्णं कौस्तुभांशुप्रसरकिसलयैर्मुग्धमुक्ताफलाढ्यंश्रीवत्सोल्लासि फुल्लप्रतिनववनमालाङ्कि राजद्भुजान्तम् ।वक्षः श्रीवृक्षकान्तं मधुकरनिकरश्यामलं शार्ङ्गपाणेःसंसाराध्वश्रमार्तैरुपवनमिव यत्सेवितं तत्प्रपद्ये ॥ २८ ॥
Edit Permalink Bookmark
कान्तं वक्षो नितान्तं विदधदिव गलं कालिमा कालशत्रो-रिन्दोर्बिम्बं यथाङ्को मधुप इव तरोर्मञ्जरीं राजते यः ।श्रीमान्नित्यं विधेयादविरलमिलितः कौस्तुभश्रीप्रतानैःश्रीवत्सः श्रीपतेः स श्रिय इव दयितो वत्स उच्चैः श्रियं नः ॥
Edit Permalink Bookmark
संभूयाम्भोधिमध्यात्सपदि सहजया यः श्रिया संनिधत्तेनीले नारायणोरःस्थलगगनतले हारतारोपसेव्ये ।आशाः सर्वाः प्रकाशा विदधदपिदधच्चात्मभासान्यतेजां-स्याश्चर्यस्याकरो नो द्युमणिरिव मणिः कौस्तुभः सोऽस्तु भूत्यै ।
Edit Permalink Bookmark
या वायावानुकूल्यात्सरति मणिरुचा भासमाना समानासाकं साकम्पमंसे वसति विदधती वासुभद्रं सुभद्रम् ।सारं सारङ्गसंघैर्मुखरितकुसुमा मेचकान्ता च कान्तामाला मालालितास्मान्न विरमतु सुखैर्योजयन्ती जयन्ती ॥
Edit Permalink Bookmark
हारस्योरुप्रभाभिः प्रतिनववनमालांशुभिः प्रांशुरूपैःश्रीभिश्चाप्यङ्गदानां कबलितरुचि यन्निष्कभाभिश्च भाति ।बाहुल्येनैव बद्धाञ्जलिपुटमजितस्याभियाचामहे त-द्बन्धार्तिं बाधतां नो बहुविहतिकरीं बन्धुरं बाहुमूलम् ॥
Edit Permalink Bookmark
विश्वत्राणैकदीक्षास्तदनुगुणगुणक्षत्रनिर्माणदक्षाःकर्तारो दुर्निरूपस्फुटगुणयशसां कर्मणामद्भुतानाम् ।शार्ङ्गं बाणं कृपाणं फलकमरिगदे पद्मशङ्खौ सहस्रंबिभ्राणाः शस्त्रजालं मम दधतु हरेर्बाहवो मोहहानिम् ॥
Edit Permalink Bookmark
कण्ठाकल्पोद्गतैर्यः कनकमयलसत्कुण्डलोत्थैरुदारै-रुद्योतैः कौस्तुभस्याप्युरुभिरुपचितश्चित्रवर्णो विभाति ।कण्ठाश्लेषे रमायाः करवलयपदैर्मुद्रिते भद्ररूपेवैकुण्ठीयेऽत्र कण्ठे वसतु मम मतिः कुण्ठभावं विहाय ॥
Edit Permalink Bookmark
पद्मानन्दप्रदाता परिलसदरुणश्रीपरीताग्रभागःकाले काले च कम्बुप्रवरशशधरापूरणे यः प्रवीणः ।वक्त्राकाशान्तरस्थस्तिरयति नितरां दन्ततारौघशोभांश्रीभर्तुर्दन्तवासोद्युमणिरघतमोनाशनायास्त्वसौ नः ॥
Edit Permalink Bookmark
नित्यं स्नेहातिरेकान्निजकमितुरलं विप्रयोगाक्षमा यावक्त्रेन्दोरन्तराले कृतवसतिरिवाभाति नक्षत्रराजिः ।लक्ष्मीकान्तस्य कान्ताकृतिरतिविलसन्मुग्धमुक्तावलिश्री-र्दन्ताली संततं सा नतिनुतिनिरतानक्षतान्रक्षतान्नः ॥
Edit Permalink Bookmark
ब्रह्मन्ब्रह्मण्यजिह्मां मतिमपि कुरुषे देव संभावये त्वांशंभो शक्र त्रिलोकीमवसि किममरैर्नारदाद्याः सुखं वः ।इत्थं सेवावनम्रं सुरमुनिनिकरं वीक्ष्य विष्णोः प्रसन्न-स्यास्येन्दोरास्रवन्ती वरवचनसुधाह्लादयेन्मानसं नः ॥
Edit Permalink Bookmark
कर्णस्थस्वर्णकम्रोज्ज्वलमकरमहाकुण्डलप्रोतदीप्य-न्माणिक्यश्रीप्रतानैः परिमिलितमलिश्यामलं कोमलं यत् ।प्रोद्यत्सूर्यांशुराजन्मरकतमुकुराकारचोरं मुरारे-र्गाढामागामिनीं नः शमयतु विपदं गण्डयोर्मण्डलं तत् ॥
Edit Permalink Bookmark
वक्त्राम्भोजे लसन्तं मुहुरधरमणिं पक्वबिम्बाभिरामंदृष्ट्वा द्रष्टुं शुकस्य स्फुटमवतरतस्तुण्डदण्डायते यः ।घोणः शोणीकृतात्मा श्रवणयुगलसत्कुण्डलोस्रैर्मुरारेःप्राणाख्यस्यानिलस्य प्रसरणसरणिः प्राणदानाय नः स्यात् ॥
Edit Permalink Bookmark
दिक्कालौ वेदयन्तौ जगति मुहुरिमौ संचरन्तौ रवीन्दूत्रैलोक्यालोकदीपावभिदधति ययोरेव रूपं मुनीन्द्राः ।अस्मानब्जप्रभे ते प्रचुरतरकृपानिर्भरं प्रेक्षमाणेपातामाताम्रशुक्लासितरुचिरुचिरे पद्मनेत्रस्य नेत्रे ॥ ४० ॥
Edit Permalink Bookmark
पातात्पातालपातात्पतगपतिगतेर्भ्रूयुगं भुग्नमध्यंयेनेषच्चालितेन स्वपदनियमिताः सासुरा देवसंघाः ।नृत्यल्लालाटरङ्गे रजनिकरतनोरर्धखण्डावदातेकालव्यालद्वयं वा विलसति समया वालिकामातरं नः ॥
Edit Permalink Bookmark
लक्ष्माकारालकालिस्फुरदलिकशशाङ्कार्धसंदर्शमील-न्नेत्राम्भोजप्रबोधोत्सुकनिभृततरालीनभृङ्गच्छटाभे ।लक्ष्मीनाथस्य लक्ष्यीकृतविबुधगणापाङ्गबाणासनार्ध-च्छाये नो भूरिभूतिप्रसवकुशलते भ्रूलते पालयेताम् ॥
Edit Permalink Bookmark
रूक्षस्मारेक्षुचापच्युतशरनिकरक्षीणलक्ष्मीकटाक्ष-प्रोत्फुल्लत्पद्ममालाविलसितमहितस्फाटिकैशानलिङ्गम् ।भूयाद्भूयो विभूत्यै मम भुवनपतेर्भूलताद्वन्द्वमध्या-दुत्थं तत्पुण्ड्रमूर्ध्वं जनिमरणतमःखण्डनं मण्डनं च ॥
Edit Permalink Bookmark
पीठीभूतालकान्तं कृतमकुटमहादेवलिङ्गप्रतिष्ठेलालाटे नाट्यरङ्गे विकटतरतटे कैटभारेश्चिराय ।प्रोद्धाट्यैवात्मतन्द्रीप्रकटपटकुटीं प्रस्फुरन्ती स्फुटाङ्गंपट्वीयं भावनाख्यां चटुलमतिनटी नाटिकां नाटयेन्नः ॥
Edit Permalink Bookmark
मालालीवालिधाम्नः कुवलयकलिता श्रीपतेः कुन्तलालीकालिन्द्यारुह्य मूर्ध्नो गलति हरशिरःस्वर्धुनीस्पर्धया नु ।राहुर्वा याति वक्त्रं सकलशशिकलाभ्रान्तिलोलान्तरात्मालोकैरालोक्यते या प्रदिशतु सततं साखिलं मङ्गलं नः ॥
Edit Permalink Bookmark
सुप्ताकाराः प्रसुप्ते भगवति विबुधैरप्यदृष्टस्वरूपाव्याप्तव्योमान्तरालास्तरलमणिरुचा रञ्जिताः स्पष्टभासः ।देहच्छायोद्गमाभा रिपुवपुरगरुप्लोषरोषाग्निधूम्याःकेशाः केशिद्विषो नो विदधतु विपुलक्लेशपाशप्रणाशम् ॥
Edit Permalink Bookmark
यत्र प्रत्युप्तरत्नप्रवरपरिलसद्भूरिरोचिष्प्रतान-स्फूर्त्यां मूर्तिर्मुरारेर्द्युमणिशतचितव्योमवद्दुर्निरीक्ष्या ।कुर्वत्पारेपयोधि ज्वलदकृशशिखाभास्वदौर्वाग्निशङ्कांशश्वन्नः शर्म दिश्यात्कलिकलुषतमःपाटनं तत्किरीटम् ॥
Edit Permalink Bookmark
भ्रान्त्वा भ्रान्त्वा यदन्तस्त्रिभुवनगुरुरप्यब्दकोटीरनेकाःगन्तुं नान्तं समर्थो भ्रमर इव पुनर्नाभिनालीकनालात् ।उन्मज्जन्नूर्जितश्रीस्त्रिभुवनमपरं निर्ममे तत्सदृक्षंदेहाम्भोधिः स देयान्निरवधिरमृतं दैत्यविद्वेषिणो नः ॥
Edit Permalink Bookmark
मत्स्यः कूर्मो वराहो नरहरिणपतिर्वामनो जामदग्न्यःकाकुत्स्थः कंसघाती मनसिजविजयी यश्च कल्किर्भविष्यन् ।विष्णोरंशावतारा भुवनहितकरा धर्मसंस्थापनार्थाःपायासुर्मां त एते गुरुतरकरुणाभारखिन्नाशया ये ॥ ४९ ॥
Edit Permalink Bookmark
यस्माद्वाचो निवृत्ताः सममपि मनसा लक्षणामीक्षमाणाःस्वार्थालाभात्परार्थव्यपगमकथनश्लाघिनो वेदवादाः ।नित्यानन्दं स्वसंविन्निरवधिविमलस्वान्तसंक्रान्तबिम्ब-च्छायापत्यापि नित्यं सुखयति यमिनो यत्तदव्यान्महो नः ॥
Edit Permalink Bookmark
आपादादा च शीर्षाद्वपुरिदमनघं वैष्णवं यः स्वचित्तेधत्ते नित्यं निरस्ताखिलकलिकलुषे संततान्तःप्रमोदम् ।जुह्वज्जिह्वाकृशानौ हरिचरितहविःस्तोत्रमन्त्रानुपाठै-स्तत्पादाम्भोरुहाभ्यां सततमपि नमस्कुर्महे निर्मलाभ्याम् ॥
Edit Permalink Bookmark
मोदात्पादादिकेशस्तुतिमितिरचितां कीर्तयित्वा त्रिधाम्नःपादाब्जद्वन्द्वसेवासमयनतमतिर्मस्तकेनानमेद्यः ।उन्मुच्यैवात्मनैनोनिचयकवचकं पञ्चतामेत्य भानो-र्बिम्बान्तर्गोचरं स प्रविशति परमानन्दमात्मस्वरूपम् ॥
Edit Permalink Bookmark
इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छंकरभगवतः कृतौ विष्णुपादादिकेशान्तस्तोत्रं संपूर्णम् ॥
Edit Permalink Bookmark

About this text

Electronic Text

Title विष्णुपादादिकेशान्तस्तोत्रम्
Author आदिशङ्कराचार्यः
Project The Works of Sri Sankaracharya, Volume 18 (Stotras, Vol. 2)
Date 2026-03-01
Availability

Distributed by Ambuda under a Creative Commons CC0 1.0 Universal Licence (public domain)

Source Edition

Author आदिशङ्कराचार्यः
Publisher Sri Vani Vilas Press
Year 1910

Project Details

Project The Works of Sri Sankaracharya, Volume 18 (Stotras, Vol. 2)
Created 2026-02-28
Sources

Credits

Creation of machine-readable version.

Notes

This text has been created by direct export from Ambuda's proofing environment.

Quality Report

8/10 checks passed
Raw TEI header 
<teiHeader>
    <fileDesc>
      <titleStmt>
        <title type="main">विष्णुपादादिकेशान्तस्तोत्रम्</title>
        <title type="sub">A machine-readable edition</title>
        <author>आदिशङ्कराचार्यः</author>
        <principal>Arun Prasad</principal>
        <respStmt>
          <persName>Arun Prasad</persName>
          <resp>Creation of machine-readable version.</resp>
        </respStmt>
      </titleStmt>
      <publicationStmt>
        <authority>Ambuda (https://ambuda.org)</authority>
        <availability>
          <p>Distributed by Ambuda under a Creative Commons CC0 1.0 Universal Licence (public domain)</p>
        </availability>
        <date>2026-03-01</date>
      </publicationStmt>
      <notesStmt>
        <note>This text has been created by direct export from Ambuda's proofing environment.</note>
      </notesStmt>
      <sourceDesc>
        <bibl>
          <title>The Works of Sri Sankaracharya, Volume 18 (Stotras, Vol. 2)</title>
          <publisher>Sri Vani Vilas Press</publisher>
          <date>1910</date>
          <author>आदिशङ्कराचार्यः</author>
        </bibl>
      </sourceDesc>
    </fileDesc>
    <encodingDesc>
      <projectDesc>
        <p>Ambuda is an online library of Sanskrit literature.</p>
      </projectDesc>
      <editorialDesc>
        <normalization>
          <p>Normalization of whitespace around dandas and other punctuation marks.</p>
        </normalization>
      </editorialDesc>
    </encodingDesc>
    <revisionDesc />
  </teiHeader>

Table of contents

Analyze

(choose dictionary) ▼
Sanskrit-English
Sanskrit-Sanskrit
Koshas
Sanskrit-Hindi
Sanskrit-Kannada

(choose dictionary) ▼
Sanskrit-English
Sanskrit-Sanskrit
Koshas
Sanskrit-Hindi
Sanskrit-Kannada

Resources

Downloads

Most of our texts are sourced from a custom snapshot of GRETIL, which you can find here. Our रामायणम् and महाभारतम् texts are sourced from John Smith's website.

Parse data comes from a custom snapshot of the Digital Corpus of Sanskrit, which you can find here.

Settings