<l>घोणः शोणीकृतात्मा श्रवणयुगलसत्कुण्डलोस्रैर्मुरा<choice>
    <sic>रैः</sic>
    <corr>रेः</corr>
  </choice>
</l>
        

<lg n="13">
  <l>आक्रामद्भयां त्रिलोकीमसुरसुरपती तत्क्षणादेव नीतौ</l>
  <l>याभ्यां वैरोचनीन्द्रौ युगपदपि विपत्संपदोरेकधाम ।</l>
  <l>ताभ्यां ताम्रोदराभ्यां मुहुरहमजितस्याञ्चिताभ्यामुभाभ्यां</l>
  <l>प्राज्यैश्वर्यप्रदाभ्यां प्रणतिमुपगतः पादपङ्केरुहाभ्याम् ॥</l>
</lg>
      

<lg n="16">
  <l>यस्यां दृष्ट्वामलायां प्रतिकृतिममराः संभवन्त्यानमन्तः</l>
  <l>सेन्द्राः सान्द्रीकृतेर्ष्यास्त्वपरसुरकुलाशङ्कयातङ्कवन्तः ।</l>
  <l>सा सद्यः सातिरेकां सकलसुखकरीं संपदं साधयेन्न-</l>
  <l>श्चञ्चच्चार्वंशुचक्रा चरणनलिनयोश्चक्रपाणेर्नखाली ॥</l>
</lg>
      

<lg n="17">
  <l>पादाम्भोजन्मसेवासमवनतसुरव्रातभास्वत्किरीट-</l>
  <l>प्रत्युप्तोच्चावचाश्मप्रवरकरगणैश्चित्रितं यद्विभाति ।</l>
  <l>नम्राङ्गानां हरेर्नो हरिदुपलमहाकूर्मसौन्दर्यहारि-</l>
  <l>च्छायं श्रेयःप्रदायि प्रपदयुगमिदं प्रापयेत्पापमन्तम् ॥</l>
</lg>
      

<lg n="32">
  <l>हारस्योरुप्रभाभिः प्रतिनववनमालांशुभिः प्रांशुरूपैः</l>
  <l>श्रीभिश्चाप्यङ्गदानां कबलितरुचि यन्निष्कभाभिश्च भाति ।</l>
  <l>बाहुल्येनैव बद्धाञ्जलिपुटमजितस्याभियाचामहे त-</l>
  <l>द्बन्धार्तिं बाधतां नो बहुविहतिकरीं बन्धुरं बाहुमूलम् ॥</l>
</lg>
      

<lg n="37">
  <l>ब्रह्मन्ब्रह्मण्यजिह्मां मतिमपि कुरुषे देव संभावये त्वां</l>
  <l>शंभो शक्र त्रिलोकीमवसि किममरैर्नारदाद्याः सुखं वः ।</l>
  <l>इत्थं सेवावनम्रं सुरमुनिनिकरं वीक्ष्य विष्णोः प्रसन्न-</l>
  <l>स्यास्येन्दोरास्रवन्ती वरवचनसुधाह्लादयेन्मानसं नः ॥</l>
</lg>
      

<lg n="38">
  <l>कर्णस्थस्वर्णकम्रोज्ज्वलमकरमहाकुण्डलप्रोतदीप्य-</l>
  <l>न्माणिक्यश्रीप्रतानैः परिमिलितमलिश्यामलं कोमलं यत् ।</l>
  <l>प्रोद्यत्सूर्यांशुराजन्मरकतमुकुराकारचोरं मुरारे-</l>
  <l>र्गाढामागामिनीं नः शमयतु विपदं गण्डयोर्मण्डलं तत् ॥</l>
</lg>
      

<lg n="42">
  <l>लक्ष्माकारालकालिस्फुरदलिकशशाङ्कार्धसंदर्शमील-</l>
  <l>न्नेत्राम्भोजप्रबोधोत्सुकनिभृततरालीनभृङ्गच्छटाभे ।</l>
  <l>लक्ष्मीनाथस्य लक्ष्यीकृतविबुधगणापाङ्गबाणासनार्ध-</l>
  <l>च्छाये नो भूरिभूतिप्रसवकुशलते भ्रूलते पालयेताम् ॥</l>
</lg>
      

<lg n="43">
  <l>रूक्षस्मारेक्षुचापच्युतशरनिकरक्षीणलक्ष्मीकटाक्ष-</l>
  <l>प्रोत्फुल्लत्पद्ममालाविलसितमहितस्फाटिकैशानलिङ्गम् ।</l>
  <l>भूयाद्भूयो विभूत्यै मम भुवनपतेर्भूलताद्वन्द्वमध्या-</l>
  <l>दुत्थं तत्पुण्ड्रमूर्ध्वं जनिमरणतमःखण्डनं मण्डनं च ॥</l>
</lg>
      

<lg n="47">
  <l>यत्र प्रत्युप्तरत्नप्रवरपरिलसद्भूरिरोचिष्प्रतान-</l>
  <l>स्फूर्त्यां मूर्तिर्मुरारेर्द्युमणिशतचितव्योमवद्दुर्निरीक्ष्या ।</l>
  <l>कुर्वत्पारेपयोधि ज्वलदकृशशिखाभास्वदौर्वाग्निशङ्कां</l>
  <l>शश्वन्नः शर्म दिश्यात्कलिकलुषतमःपाटनं तत्किरीटम् ॥</l>
</lg>
      

<lg n="50">
  <l>यस्माद्वाचो निवृत्ताः सममपि मनसा लक्षणामीक्षमाणाः</l>
  <l>स्वार्थालाभात्परार्थव्यपगमकथनश्लाघिनो वेदवादाः ।</l>
  <l>नित्यानन्दं स्वसंविन्निरवधिविमलस्वान्तसंक्रान्तबिम्ब-</l>
  <l>च्छायापत्यापि नित्यं सुखयति यमिनो यत्तदव्यान्महो नः ॥</l>
</lg>