तुलस्युपनिषत्

This text does not support clickable word meanings.

अथ तुलस्युपनिषदं व्याख्यास्यामः । नारद ऋषिः । अथर्वाङ्गिरश्छन्दः । अमृता तुलसी देवता । सुधा बीजम् । वसुधा शक्तिः । नारायणः कीलकम् । श्यामां श्यामवपुर्धरां ऋक्स्वरूपां यजुर्मनां [?] ब्रह्माथर्वप्राणां कल्पहस्तां पुराणपठितां अमृतोद्भवां अमृतरसमञ्जरीं अनन्तां अनन्तरसभोगदां वैष्णवीं विष्णुवल्लभां मृत्युजन्मनिबर्हणीं दर्शनात्पापनाशिनीं स्पर्शनात्पावनीं अभिवन्दनाद्रोगनाशिनीं सेवनान्मृत्युनाशिनीं वैकुण्ठार्चनाद्विपद्धन्त्रीं भक्षणात् वयुनप्रदां प्रादक्षिण्याद्दारिद्र्यनाशिनीं मूलमृल्लेपनान्महापापभञ्जिनीं प्राणतर्पणादन्तर्मलनाशिनीं य एवं वेद स वैष्णवो भवति । वृथा न छिन्द्यात् । दृष्ट्वा प्रदक्षिणं कुर्यात् । यां न स्पृशेत् । पर्वणि न विचिन्वेत् । यदि विचिन्वति स विष्णुहा भवति । श्रीतुलस्यै स्वाहा । विष्णुप्रियायै स्वाहा । अमृतायै स्वाहा । श्रीतुलस्यै विद्महे विष्णुप्रियायै धीमहि । तन्नो अमृता प्रचोदयात् ॥

Edit Permalink Bookmark

अमृतेऽमृतरूपासि अमृतत्वप्रदायिनि ।

त्वं मामुद्धर संसारात् क्षीरसागरकन्यके ॥

Edit Permalink Bookmark

श्रीसखि त्वं सदानन्दे मुकुन्दस्य सदा प्रिये ।

वरदाभयहस्ताभ्यां मां विलोकय दुर्लभे ॥

Edit Permalink Bookmark

अवृक्षवृक्षरूपासि वृक्षत्वं मे विनाशय ।

तुलस्यतुलरूपासि तुलाकोटिनिभेऽजरे ॥

Edit Permalink Bookmark

अतुले त्वतुलायां हि हरिरेकोऽस्ति नान्यथा ।

त्वमेव जगतां धात्री त्वमेव विष्णुवल्लभा ॥

Edit Permalink Bookmark

त्वमेव सुरसंसेव्या त्वमेव मोक्षदायिनी ।

त्वच्छायायां वसेल्लक्ष्मीस्त्वन्मूले विष्णुरव्ययः ॥

Edit Permalink Bookmark

समन्ताद्देवताः सर्वाः सिद्धचारणपन्नगाः ।

यन्मूले सर्वतीर्थानि यन्मध्ये ब्रह्मदेवताः ॥

Edit Permalink Bookmark

यदग्रे वेदशास्त्राणि तुलसीं तां नमाम्यहम् ।

तुलसि श्रीसखि शुभे पापहारिणि पुण्यदे ॥

Edit Permalink Bookmark

नमस्ते नारदनुते नारायणमनःप्रिये ।

ब्रह्मानन्दाश्रुसंजाते वृन्दावननिवासिनि ॥

Edit Permalink Bookmark

सर्वावयवसंपूर्णे अमृतोपनिषद्रसे ।

त्वं मामुद्धर कल्याणि महापापाव्धिदुस्तरात् ॥

Edit Permalink Bookmark

सर्वेषामपि पापानां प्रायश्चित्तं त्वमेव हि ।

देवानां च ऋषीणां च पितॄणां त्वं सदा प्रिये ॥

Edit Permalink Bookmark

विना श्रीतुलसीं विप्रा येऽपि श्राद्धं प्रकुर्वते ।

वृथा भवति तच्छ्राद्धं पितॄणां नोपगच्छति ॥

Edit Permalink Bookmark

तुलसीपत्रमुत्सृज्य यदि पूजां करोति वै ।

आसुरी सा भवेत् पूजा विष्णुप्रीतिकरी न च ॥

Edit Permalink Bookmark

यज्ञं दानं जपं तीर्थं श्राद्धं वै देवतार्चनम् ।

तर्पणं मार्जनं चान्यन्न कुर्यात्तुलसीं विना ॥

Edit Permalink Bookmark

तुलसीदारुमणिभिः जपः सर्वार्थसाधकः ।

एवं न वेद यः कश्चित् स विप्रः श्वपचाधमः ॥

Edit Permalink Bookmark

इत्याह भगवान् ब्रह्माणं नारायणः, ब्रह्मा नारदसनकादिभ्यः, सनकादयो वेदव्यासाय, वेदव्यासः शुकाय, शुको वामदेवाय, वामदेवो मुनिभ्यः, मुनयो मनुभ्यः प्रोचुः । य एवं वेद स स्त्रीहत्यायाः प्रमुच्यते । स वीरह-त्यायाः प्रमुच्यते । स ब्रह्महत्यायाः प्रमुच्यते । स महाभयात् प्रमुच्यते । स महादुःखात् प्रमुच्यते । देहान्ते वैकुण्ठमवाप्नोति वैकुण्ठमवाप्नोति । इत्युपनिषत् ॥

Edit Permalink Bookmark

इति तुलस्युपनिषत् समाप्ता

Edit Permalink Bookmark