प्रणवोपनिषत्

This text does not support clickable word meanings.

ॐ सह नाववतु । सह नौ भुनक्तु । सह वीर्यं करवावहै । तेजस्वि नावधीतमस्तु मा विद्विषावहै । ॐ शान्तिः शान्तिः शान्तिः ॥

Edit Permalink Bookmark

पुरस्ताद्ब्रह्मणस्तस्य विष्णोरद्भुतकर्मणः ।

रहस्यं ब्रह्मविद्याया धृताग्निं संप्रचक्षते ॥

Edit Permalink Bookmark

ओमित्येकाक्षरं ब्रह्म यदुक्तं ब्रह्मवादिभिः ।

शरीरं तस्य वक्ष्यामि स्थानकालत्रयं तथा ॥

Edit Permalink Bookmark

तत्र देवास्त्रयः प्रोक्ता लोका वेदास्त्रयोऽग्नयः ।

तिस्रो मात्रार्धमात्रा च प्रत्यक्षस्य शिवस्य तत् ॥

Edit Permalink Bookmark

ऋग्वेदो गार्हपत्यं च पृथिवी ब्रह्म एव च ।

अकारस्य शरीरं तु व्याख्यातं ब्रह्मवादिभिः ॥

Edit Permalink Bookmark

यजुर्वेदोऽन्तरिक्षं च दक्षिणाग्निस्तथैव च ।

विष्णुश्च भगवान् देव उकारः परिकीर्तितः ॥

Edit Permalink Bookmark

सामवेदस्तथा द्यौश्चाहवनीयस्तथैव च ।

ईश्वरः परमो देवो मकारः परिकीर्तितः ॥

Edit Permalink Bookmark

सूर्यमण्डलमाभाति ह्यकारश्चन्द्रमध्यगः ।

उकारश्चन्द्रसंकाशस्तस्य मध्ये व्यवस्थितः ॥

Edit Permalink Bookmark

मकारश्चाग्निसंकाशो विधूमो विद्युतोपमः ।

तिस्रो मात्रास्तथा ज्ञेयाः सोमसूर्याग्नितेजसः ॥

Edit Permalink Bookmark

शिखा च दीपसंकाशा यस्मिन्नु परिवर्तते ।

अर्धमात्रा तथा ज्ञेया प्रणवस्योपरि स्थिता ॥

Edit Permalink Bookmark

पद्मसूत्रनिभा सूक्ष्मा शिखाभा दृश्यते परा ।

नासादिसूर्यसंकाशा सूर्यं हित्वा तथापरम् ॥

Edit Permalink Bookmark

द्विसप्ततिसहस्राणि नाडिभिस्त्वा तु मूर्धनि ।

वरदं सर्वभूतानां सर्वं व्याप्यैव तिष्ठति ॥

Edit Permalink Bookmark

कांस्यघण्टानिनादः स्याद्यदा लिप्यति शान्तये ।

ओङ्कारस्तु तथा योज्यः श्रुतये सर्वमिच्छति ॥

Edit Permalink Bookmark

यस्मिन् स लीयते शब्दस्तत्परं ब्रह्म गीयते ।

सोऽमृतत्वाय कल्पते सोऽमृतत्वाय कल्पते ॥ इति ॥

Edit Permalink Bookmark

इति प्रणवोपनिषत् समाप्ता

Edit Permalink Bookmark