हरिस्तुतिः

स्तोष्ये भक्त्या विष्णुमनादिं जगदादिंयस्मिन्नेतत्संसृतिचक्रं भ्रमतीत्थम् ।यस्मिन्दृष्टे नश्यति तत्संसृतिचक्रंतं संसारध्वान्तविनाशं हरिमीडे ॥ १ ॥
Edit Permalink Bookmark
यस्यैकांशादित्थमशेषं जगदेत-त्प्रादुर्भूतं येन पिनद्धं पुनरित्थम् ।येन व्याप्तं येन विबुद्धं सुखदुःखै-स्तं संसारध्वान्तविनाशं हरिमीडे ॥ २ ॥
Edit Permalink Bookmark
सर्वज्ञो यो यश्च हि सर्वः सकलो योयश्चानन्दोऽनन्तगुणो यो गुणधामा ।यश्चाव्यक्तो व्यस्तसमस्तः सदसद्य-स्तं संसारध्वान्तविनाशं हरिमीडे ॥ ३ ॥
Edit Permalink Bookmark
यस्मादन्यन्नास्त्यपि नैवं परमार्थंदृश्यादन्यो निर्विषयज्ञानमयत्वात् ।ज्ञातृज्ञानज्ञेयविहीनोऽपि सदा ज्ञ-स्तं संसारध्वान्तविनाशं हरिमीडे ॥ ४ ॥
Edit Permalink Bookmark
आचार्येभ्यो लब्धसुसूक्ष्माच्युततत्त्वावैराग्येणाभ्यासबलाच्चैव द्रढिम्ना ।भक्त्यैकाग्र्यध्यानपरा यं विदुरीशंतं संसारध्वान्तविनाशं हरिमीडे ॥ ५ ॥
Edit Permalink Bookmark
प्राणानायम्योमिति चित्तं हृदि रुध्वानान्यत्स्मृत्वा तत्पुनरत्रैव विलाप्य ।क्षीणे चित्ते भादृशिरस्मीति विदुर्यंतं संसारध्वान्तविनाशं हरिमीडे ॥ ६ ॥
Edit Permalink Bookmark
यं ब्रह्माख्यं देवमनन्यं परिपूर्णंहृत्स्थं भक्तैर्लभ्यमजं सूक्ष्ममतर्क्यम् ।ध्यात्वात्मस्थं ब्रह्मविदो यं विदुरीशंतं संसारध्वान्तविनाशं हरिमीडे ॥ ७ ॥
Edit Permalink Bookmark
मालातीतं स्वात्मविकासात्मविबोधंज्ञेयातीतं ज्ञानमयं हृद्युपलभ्य ।भावग्राह्यानन्दमनन्यं च विदुर्यंतं संसारध्वान्तविनाशं हरिमीडे ॥ ८ ॥
Edit Permalink Bookmark
यद्यद्वेद्यं वस्तुसतत्त्वं विषयाख्यंतत्तद्ब्रह्मैवेति विदित्वा तदहं च ।ध्यायन्त्येवं यं सनकाद्या मुनयोऽजंतं संसारध्वान्तविनाशं हरिमीडे ॥ ९ ॥
Edit Permalink Bookmark
यद्यद्वेद्यं तत्तदहं नेति विहायस्वात्मज्योतिर्ज्ञानमयानन्दमवाप्य ।तस्मिन्नस्मीत्यात्मविदो यं विदुरीशंतं संसारध्वान्तविनाशं हरिमीडे ॥ १० ॥
Edit Permalink Bookmark
हित्वाहित्वा दृश्यमशेषं सविकल्पंमत्वा शिष्टं भादृशिमात्रं गगनाभम् ।त्यक्त्वा देहं यं प्रविशन्त्यच्युतभक्ता-स्तं संसारध्वान्तविनाशं हरिमीडे ॥ ११ ॥
Edit Permalink Bookmark
सर्वत्रास्ते सर्वशरीरी न च सर्वःसर्वं वेत्त्येवेह न यं वेत्ति च सर्वः ।सर्वत्रान्तर्यामितयेत्थं यमयन्य-स्तं संसारध्वान्तविनाशं हरिमीडे ॥ १२ ॥
Edit Permalink Bookmark
सर्वं दृष्ट्वा स्वात्मनि युक्त्या जगदेत-दृष्ट्वात्मानं चैवमजं सर्वजनेषु ।सर्वात्मैकोऽस्मीति विदुर्यं जनहृत्स्थंतं संसारध्वान्तविनाशं हरिमीडे ॥ १३ ॥
Edit Permalink Bookmark
सर्वत्रैकः पश्यति जिघ्रत्यथ भुङ्क्तेस्प्रष्टा श्रोता बुध्यति चेत्याहुरिमं यम् ।साक्षी चास्ते कर्तृषु पश्यन्निति चान्येतं संसारध्वान्तविनाशं हरिमीडे ॥ १४ ॥
Edit Permalink Bookmark
पश्यञ्शृण्वन्नत्र विजानन्रसयन्सं-जिघ्रद्बिभ्रद्देहमिमं जीवतयेत्थम् ।इत्यात्मानं यं विदुरीशं विषयज्ञंतं संसारध्वान्तविनाशं हरिमीडे ॥ १५ ॥
Edit Permalink Bookmark
जाग्रद्दृष्ट्वा स्थूलपदार्थानथ मायांदृष्ट्वा स्वप्नेऽथापि सुषुप्तौ सुखनिद्राम् ।इत्यात्मानं वीक्ष्य मुदास्ते च तुरीयेतं संसारध्वान्तविनाशं हरिमीडे ॥ १६ ॥
Edit Permalink Bookmark
पश्यन्शुद्धोऽप्यक्षर एको गुणभेदा-न्नानाकारान्स्फाटिकवद्भाति विचित्रः ।भिन्नश्छिन्नश्चायमजः कर्मफलैर्य-स्तं संसारध्वान्तविनाशं हरिमीडे ॥ १७ ॥
Edit Permalink Bookmark
ब्रह्मा विष्णू रुद्रहुताशौ रविचन्द्रा-विन्द्रो वायुर्यज्ञ इतीत्थं परिकल्प्य ।एकं सन्तं यं बहुधाहुर्मतिभेदा-त्तं संसारध्वान्तविनाशं हरिमीडे ॥ १८ ॥
Edit Permalink Bookmark
सत्यं ज्ञानं शुद्धमनन्तं व्यतिरिक्तंशान्तं गूढं निष्कलमानन्दमनन्यम् ।इत्याहादौ यं वरुणोऽसौ भृगवेऽजंतं संसारध्वान्तविनाशं हरिमीडे ॥ १९ ॥
Edit Permalink Bookmark
कोशानेतान्पञ्च रसादीनतिहायब्रह्मास्मीति स्वात्मनि निश्चित्य दृशिस्थम् ।पित्रा शिष्टो वेद भृगुर्यं यजुरन्तेतं संसारध्वान्तविनाशं हरिमीडे ॥ २० ॥
Edit Permalink Bookmark
येनाविष्टो यस्य च शक्त्या यदधीनःक्षेत्रज्ञोऽयं कारयिता जन्तुषु कर्तुः ।कर्ता भोक्तात्मात्र हि यच्छक्त्यधिरूढ-स्तं संसारध्वान्तविनाशं हरिमीडे ॥ २१ ॥
Edit Permalink Bookmark
सृष्ट्वा सर्वं स्वात्मतयैवेत्थमतर्क्यंव्याप्याथान्तः कृत्स्नमिदं सृष्टमशेषम् ।सच्च त्यच्चाभूत्परमात्मा स य एक-स्तं संसारध्वान्तविनाशं हरिमीडे ॥ २२ ॥
Edit Permalink Bookmark
वेदान्तैश्चाध्यात्मिकशास्त्रैश्च पुराणैःशास्त्रैश्चान्यैः सात्त्वततन्त्रैश्च यमीशम् ।दृष्ट्वाथान्तश्चेतसि बुद्ध्वा विविशुर्यंतं संसारध्वान्तविनाशं हरिमीडे ॥ २३ ॥
Edit Permalink Bookmark
श्रद्धाभक्तिध्यानशमाद्यैर्यतमानै-र्ज्ञातुं शक्यो देव इहैवाशु य ईशः ।दुर्विज्ञेयो जन्मशतैश्चापि विना तै-स्तं संसारध्वान्तविनाशं हरिमीडे ॥ २४ ॥
Edit Permalink Bookmark
यस्यातर्क्यं स्वात्मविभूतेः परमार्थंसर्वं खल्वित्यत्र निरुक्तं श्रुतिविद्भिः ।तज्जातित्वादब्धितरङ्गाभमभिन्नंतं संसारध्वान्तविनाशं हरिमीडे ॥ २५ ॥
Edit Permalink Bookmark
दृष्ट्वा गीतास्वक्षरतत्त्वं विधिनाजंभक्त्या गुर्व्या लभ्य हृदिस्थं दृशिमात्रम् ।ध्यात्वा तस्मिन्नस्म्यहमित्यव विदुर्यंतं संसारध्वान्तविनाशं हरिमीडे ॥ २६ ॥
Edit Permalink Bookmark
क्षेत्रज्ञत्वं प्राप्य विभुः पञ्चमुखैर्योभुङ्क्तेऽजस्रं भोग्यपदार्थान्प्रकृतिस्थः ।क्षेत्रे क्षेत्रेऽप्स्विन्दुवदेको बहुधास्तेतं संसारध्वान्तविनाशं हरिमीडे ॥ २७ ॥
Edit Permalink Bookmark
युक्त्यालोड्य व्यासवचांस्यत्र हि लभ्यःक्षेत्रक्षेत्रज्ञान्तरविद्भिः पुरुषाख्यः ।योऽहं सोऽसौ सोऽस्म्यहमेवेति विदुर्यंतं संसारध्वान्तविनाशं हरिमीडे ॥ २८ ॥
Edit Permalink Bookmark
एकीकृत्यानेकशरीरस्थमिमं ज्ञंयं विज्ञायेहैव स एवाशु भवन्ति ।यस्मिल्ँलीना नेह पुनर्जन्म लभन्तेतं संसारध्वान्तविनाशं हरिमीडे ॥ २९ ॥
Edit Permalink Bookmark
द्वन्द्वैकत्वं यच्च मधुब्राह्मणवाक्यैःकृत्वा शक्रोपासनमासाद्य विभूत्या ।योऽसौ सोऽहं सोऽस्म्यहमेवेति विदुर्यंतं संसारध्वान्तविनाशं हरिमीडे ॥ ३० ॥
Edit Permalink Bookmark
योऽयं देहे चेष्टयितान्तःकरणस्थःसूर्ये चासौ तापयिता सोऽस्म्यहमेव ।इत्यात्मैक्योपासनया यं विदुरीशंतं संसारध्वान्तविनाशं हरिमीडे ॥ ३१ ॥
Edit Permalink Bookmark
विज्ञानांशो यस्य सतः शक्त्यधिरूढोबुद्धिर्बुध्यत्यत्र बहिर्बोध्यपदार्थान् ।नैवान्तःस्थं बुध्यति यं बोधयितारंतं संसारध्वान्तविनाशं हरिमीडे ॥ ३२ ॥
Edit Permalink Bookmark
कोऽयं देहे देव इतीत्थं सुविचार्यज्ञाता श्रोता मन्तयिता चैष हि देवः ।इत्यालोच्य ज्ञांश इहास्मीति विदुर्यंतं संसारध्वान्तविनाशं हरिमीडे ॥ ३३ ॥
Edit Permalink Bookmark
को ह्येवान्यादात्मनि न स्यादयमेषह्येवानन्दः प्राणिति चापानिति चेति ।इत्यस्तित्वं वक्त्युपपत्त्या श्रुतिरेषातं संसारध्वान्तविनाशं हरिमीडे ॥ ३४ ॥
Edit Permalink Bookmark
प्राणो वाहं वाक्छ्रवणादीनि मनो वाबुद्धिर्वाहं व्यस्त उताहोऽपि समस्तः ।इत्यालोच्य ज्ञप्तिरिहास्मीति विदुर्यंतं संसारध्वान्तविनाशं हरिमीडे ॥ ३५ ॥
Edit Permalink Bookmark
नाहं प्राणो नैव शरीरं न मनोऽहंनाहं बुद्धिर्नाहमहंकारधियौ च ।योऽत्र ज्ञांशः सोऽस्म्यहमेवेति विदुर्यंतं संसारध्वान्तविनाशं हरिमीडे ॥ ३६ ॥
Edit Permalink Bookmark
सत्तामात्रं केवलविज्ञानमजं स-त्सूक्ष्मं नित्यं तत्त्वमसीत्यात्मसुताय ।साम्नामन्ते प्राह पिता यं विभुमाद्यंतं संसारध्वान्तविनाशं हरिमीडे ॥ ३७ ॥
Edit Permalink Bookmark
मूर्तामूर्ते पूर्वमपोह्याथ समाधौदृश्यं सर्वं नेति च नेतीति विहाय ।चैतन्यांशे स्वात्मनि सन्तं च विदुर्यंतं संसारध्वान्तविनाशं हरिमीडे ॥ ३८ ॥
Edit Permalink Bookmark
ओतं प्रोतं यत्र च सर्वं गगनान्तंयोऽस्थूलानण्वादिषु सिद्धोऽक्षरसंज्ञः ।ज्ञातातोऽन्यो नेत्युपलभ्यो न च वेद्य-स्तं संसारध्वान्तविनाशं हरिमीडे ॥ ३९ ॥
Edit Permalink Bookmark
तावत्सर्वं सत्यमिवाभाति यदेत-द्यावत्सोऽस्मीत्यात्मनि यो ज्ञो न हि दृष्टः ।दृष्टे यस्मिन्सर्वमसत्यं भवतीदंतं संसारध्वान्तविनाशं हरिमीडे ॥ ४० ॥
Edit Permalink Bookmark
रागामुक्तं लोहयुतं हेम यथाग्नौयोगाष्टाङ्गैरुज्ज्वलितज्ञानमयाग्नौ ।दग्ध्वात्मानं ज्ञं परिशिष्टं च विदुर्यंतं संसारध्वान्तविनाशं हरिमीडे ॥ ४१ ॥
Edit Permalink Bookmark
यं विज्ञानज्योतिषमाद्यं सुविभान्तंहृद्यर्केन्द्वग्न्योकसमीड्यं तटिदाभम् ।भक्त्याराध्येहैव विशन्त्यात्मनि सन्तंतं संसारध्वान्तविनाशं हरिमीडे ॥ ४२ ॥
Edit Permalink Bookmark
पायाद्भक्तं स्वात्मनि सन्तं पुरुषं योभक्त्या स्तौतीत्याङ्गिरमं विष्णुरिमं माम् ।इत्यात्मानं स्वात्मनि संहृत्य सदैक-स्तं संसारध्वान्तविनाशं हरिमीडे ॥ ४३ ॥
Edit Permalink Bookmark
इति श्रीमत्परमहंसपरिव्राजकाचार्यस्य श्रीगोविन्दभग- वत्पूज्यपादशिष्यस्य श्रीमच्छंकरभगवतः कृतौ हरिस्तुतिः संपूर्णा ॥
Edit Permalink Bookmark

About this text

Electronic Text

Title हरिस्तुतिः
Author आदिशङ्कराचार्यः
Project The Works of Sri Sankaracharya, Volume 18 (Stotras, Vol. 2)
Date 2026-03-01
Availability

Distributed by Ambuda under a Creative Commons CC0 1.0 Universal Licence (public domain)

Source Edition

Author आदिशङ्कराचार्यः
Publisher Sri Vani Vilas Press
Year 1910

Project Details

Project The Works of Sri Sankaracharya, Volume 18 (Stotras, Vol. 2)
Created 2026-02-28
Sources

Credits

Creation of machine-readable version.

Notes

This text has been created by direct export from Ambuda's proofing environment.

Quality Report

8/10 checks passed
Raw TEI header 
<teiHeader>
    <fileDesc>
      <titleStmt>
        <title type="main">हरिस्तुतिः</title>
        <title type="sub">A machine-readable edition</title>
        <author>आदिशङ्कराचार्यः</author>
        <principal>Arun Prasad</principal>
        <respStmt>
          <persName>Arun Prasad</persName>
          <resp>Creation of machine-readable version.</resp>
        </respStmt>
      </titleStmt>
      <publicationStmt>
        <authority>Ambuda (https://ambuda.org)</authority>
        <availability>
          <p>Distributed by Ambuda under a Creative Commons CC0 1.0 Universal Licence (public domain)</p>
        </availability>
        <date>2026-03-01</date>
      </publicationStmt>
      <notesStmt>
        <note>This text has been created by direct export from Ambuda's proofing environment.</note>
      </notesStmt>
      <sourceDesc>
        <bibl>
          <title>The Works of Sri Sankaracharya, Volume 18 (Stotras, Vol. 2)</title>
          <publisher>Sri Vani Vilas Press</publisher>
          <date>1910</date>
          <author>आदिशङ्कराचार्यः</author>
        </bibl>
      </sourceDesc>
    </fileDesc>
    <encodingDesc>
      <projectDesc>
        <p>Ambuda is an online library of Sanskrit literature.</p>
      </projectDesc>
      <editorialDesc>
        <normalization>
          <p>Normalization of whitespace around dandas and other punctuation marks.</p>
        </normalization>
      </editorialDesc>
    </encodingDesc>
    <revisionDesc />
  </teiHeader>

Table of contents

Analyze

(choose dictionary) ▼
Sanskrit-English
Sanskrit-Sanskrit
Koshas
Sanskrit-Hindi
Sanskrit-Kannada

(choose dictionary) ▼
Sanskrit-English
Sanskrit-Sanskrit
Koshas
Sanskrit-Hindi
Sanskrit-Kannada

Resources

Downloads

Most of our texts are sourced from a custom snapshot of GRETIL, which you can find here. Our रामायणम् and महाभारतम् texts are sourced from John Smith's website.

Parse data comes from a custom snapshot of the Digital Corpus of Sanskrit, which you can find here.

Settings