Reports » हरिस्तुतिः

<lg n="2">
  <l>यस्यैकांशादित्थमशेषं जगदेत-</l>
  <l>त्प्रादुर्भूतं येन पिनद्धं पुनरित्थम् ।</l>
  <l>येन व्याप्तं येन विबुद्धं सुखदुःखै-</l>
  <l>स्तं संसारध्वान्तविनाशं हरिमीडे ॥ २ ॥</l>
</lg>

<lg n="3">
  <l>सर्वज्ञो यो यश्च हि सर्वः सकलो यो</l>
  <l>यश्चानन्दोऽनन्तगुणो यो गुणधामा ।</l>
  <l>यश्चाव्यक्तो व्यस्तसमस्तः सदसद्य-</l>
  <l>स्तं संसारध्वान्तविनाशं हरिमीडे ॥ ३ ॥</l>
</lg>

<lg n="4">
  <l>यस्मादन्यन्नास्त्यपि नैवं परमार्थं</l>
  <l>दृश्यादन्यो निर्विषयज्ञानमयत्वात् ।</l>
  <l>ज्ञातृज्ञानज्ञेयविहीनोऽपि सदा ज्ञ-</l>
  <l>स्तं संसारध्वान्तविनाशं हरिमीडे ॥ ४ ॥</l>
</lg>

<lg n="5">
  <l>आचार्येभ्यो लब्धसुसूक्ष्माच्युततत्त्वा</l>
  <l>वैराग्येणाभ्यासबलाच्चैव द्रढिम्ना ।</l>
  <l>भक्त्यैकाग्र्यध्यानपरा यं विदुरीशं</l>
  <l>तं संसारध्वान्तविनाशं हरिमीडे ॥ ५ ॥</l>
</lg>

<lg n="12">
  <l>सर्वत्रास्ते सर्वशरीरी न च सर्वः</l>
  <l>सर्वं वेत्त्येवेह न यं वेत्ति च सर्वः ।</l>
  <l>सर्वत्रान्तर्यामितयेत्थं यमयन्य-</l>
  <l>स्तं संसारध्वान्तविनाशं हरिमीडे ॥ १२ ॥</l>
</lg>

<lg n="13">
  <l>सर्वं दृष्ट्वा स्वात्मनि युक्त्या जगदेत-</l>
  <l>दृष्ट्वात्मानं चैवमजं सर्वजनेषु ।</l>
  <l>सर्वात्मैकोऽस्मीति विदुर्यं जनहृत्स्थं</l>
  <l>तं संसारध्वान्तविनाशं हरिमीडे ॥ १३ ॥</l>
</lg>

<lg n="17">
  <l>पश्यन्शुद्धोऽप्यक्षर एको गुणभेदा-</l>
  <l>न्नानाकारान्स्फाटिकवद्भाति विचित्रः ।</l>
  <l>भिन्नश्छिन्नश्चायमजः कर्मफलैर्य-</l>
  <l>स्तं संसारध्वान्तविनाशं हरिमीडे ॥ १७ ॥</l>
</lg>

<lg n="21">
  <l>येनाविष्टो यस्य च शक्त्या यदधीनः</l>
  <l>क्षेत्रज्ञोऽयं कारयिता जन्तुषु कर्तुः ।</l>
  <l>कर्ता भोक्तात्मात्र हि यच्छक्त्यधिरूढ-</l>
  <l>स्तं संसारध्वान्तविनाशं हरिमीडे ॥ २१ ॥</l>
</lg>

<lg n="22">
  <l>सृष्ट्वा सर्वं स्वात्मतयैवेत्थमतर्क्यं</l>
  <l>व्याप्याथान्तः कृत्स्नमिदं सृष्टमशेषम् ।</l>
  <l>सच्च त्यच्चाभूत्परमात्मा स य एक-</l>
  <l>स्तं संसारध्वान्तविनाशं हरिमीडे ॥ २२ ॥</l>
</lg>

<lg n="26">
  <l>दृष्ट्वा गीतास्वक्षरतत्त्वं विधिनाजं</l>
  <l>भक्त्या गुर्व्या लभ्य हृदिस्थं दृशिमात्रम् ।</l>
  <l>ध्यात्वा तस्मिन्नस्म्यहमित्यव विदुर्यं</l>
  <l>तं संसारध्वान्तविनाशं हरिमीडे ॥ २६ ॥</l>
</lg>

<lg n="37">
  <l>सत्तामात्रं केवलविज्ञानमजं स-</l>
  <l>त्सूक्ष्मं नित्यं तत्त्वमसीत्यात्मसुताय ।</l>
  <l>साम्नामन्ते प्राह पिता यं विभुमाद्यं</l>
  <l>तं संसारध्वान्तविनाशं हरिमीडे ॥ ३७ ॥</l>
</lg>

<lg n="39">
  <l>ओतं प्रोतं यत्र च सर्वं गगनान्तं</l>
  <l>योऽस्थूलानण्वादिषु सिद्धोऽक्षरसंज्ञः ।</l>
  <l>ज्ञातातोऽन्यो नेत्युपलभ्यो न च वेद्य-</l>
  <l>स्तं संसारध्वान्तविनाशं हरिमीडे ॥ ३९ ॥</l>
</lg>

<lg n="40">
  <l>तावत्सर्वं सत्यमिवाभाति यदेत-</l>
  <l>द्यावत्सोऽस्मीत्यात्मनि यो ज्ञो न हि दृष्टः ।</l>
  <l>दृष्टे यस्मिन्सर्वमसत्यं भवतीदं</l>
  <l>तं संसारध्वान्तविनाशं हरिमीडे ॥ ४० ॥</l>
</lg>

<lg n="43">
  <l>पायाद्भक्तं स्वात्मनि सन्तं पुरुषं यो</l>
  <l>भक्त्या स्तौतीत्याङ्गिरमं विष्णुरिमं माम् ।</l>
  <l>इत्यात्मानं स्वात्मनि संहृत्य सदैक-</l>
  <l>स्तं संसारध्वान्तविनाशं हरिमीडे ॥ ४३ ॥</l>
</lg>