श्रीरामाक्षरमालास्तोत्रम् A machine-readable edition Arun Prasad Arun Prasad Creation of machine-readable version. Ambuda (https://ambuda.org)

Distributed by Ambuda under a Creative Commons CC0 1.0 Universal Licence (public domain)

 2026-04-26 This text has been created by direct export from Ambuda's proofing environment. स्तोत्रार्णवः V. Chandrasekaran, M.A., L.T. Government Oriental Manuscripts Library Madras 1961

Ambuda is an online library of Sanskrit literature.

Normalization of whitespace around dandas and other punctuation marks.

 १७. ॥ अथ श्रीरामाक्षरमालास्तोत्रम् ॥ अखिलाधारं श्रीरामं आगमविनुतं श्रीरामम् । इष्टरक्षणं श्रीरामं ईप्सितफलदं श्रीरामम् ॥ १ ॥ उग्रपूजितं श्रीरामं ऊर्जितफलदं श्रीरामम् । ऋषिगणवन्द्यं श्रीरामं ऋवरपक्षं श्रीरामम् ॥ २ ॥ ऌचयस्तोत्रं श्रीरामं ॡ लू ननताघं श्रीरामम् । एकविक्रमं श्रीरामं ऐहिकफलदं श्रीरामम् ॥ ३ ॥ ओंनुतिफलदं श्रीरामं औदार्यवरं श्रीरामम् । अद्भुत अंबुद रूपं श्रीरामं आमुष्मिकदं श्रीरामम् ॥ ४ ॥ कम्बुग्रीवं श्रीरामं खरसंहारं श्रीरामम् । गजराड्वरदं श्रीरामं घनसदृशाङ्गं श्रीरामम् ॥ ५ ॥ 1ङज्युतिकरणं श्रीरामं चटुलास्त्रधरं श्रीरामम् । छन्दोविनुतं श्रीरामं जलजाताक्षं श्रीरामन् ॥ ६ ॥ झषवररूपं श्रीरामं2 ञी ञे शात्मस्थं श्रीरामम्3 टीदृश टिट्टिभ हस्तं श्रीरामं4 ठपूजाङ्घ्रि श्रीरामम् ॥ ७ ॥ 5डापतिनाशं श्रीरामं6ढंमन्त्रहरं श्रीरामम् ।7णक्रोधात्मं श्रीरामं तपनान्वयजं श्रीरामम् ॥ ८ ॥ 8थपरिपालं श्रीरामं दशरथबालं श्रीरामम् । धरणीलोलं श्रीरामं नरहरिरूपं श्रीरामम् ॥ ९ ॥ 1. ङः इति शिवस्य नाम । तस्य ज्युतिः श्रुतिः, तस्याः कारणम् । 2. ञः इति शुक्रस्य नाम । तस्य ईश: अधिदेवता अम्बिका, तदात्मस्थम् । 3. टिट्टिभः पक्षिविशेषः । 4. ठः इति शिवस्य नाम । तस्य पूजा यस्मिन् सः ठपूजः । ठपूजः अङ्घ्रिः यस्य तम् । 5. डा राक्षसी । तासां पतयः राक्षसाः, तेषां नाशः येन, तम् । 6. ढः सर्पः, तस्य मन्त्रः नागास्त्रम्, तस्य हरम् । 7. णः न क्रोधः, अक्रोधात्मानम् । 8. थं भयम्, भयत्रातारम् । परमपावनं श्रीरामं फल्गुनसुहृदं श्रीरामम् । बलिमददलनं श्रीरामं1भण्डनसुदृशं श्रीरामम् ॥ १० ॥ मन्मथजनकं श्रीरामं यमिजनवेद्यं श्रीरामम् । रघुकुलतिलकं श्रीरामं लक्ष्मीलोलं श्रीरामम् ॥ ११ ॥ वदनजितेन्दुं श्रीरामं शङ्करविनुतं श्रीरामम् । षट्पदकान्तं श्रीरामं सरसिजनाभं श्रीरामम ॥ १२ ॥ हतदेवारिं श्रीरामं लक्ष्मणाग्रजं श्रीरामम् । वनजातदृशं श्रीरामं शफरसुनयनं श्रीरामम् ॥ १३ ॥ षड्वर्णज्ञं श्रीरामम् सरसिजनयनं श्रीरामं । हतदेवारिं श्रीरामं2क्षरणविरहितं श्रीरामम् ॥ १४ ॥ ॥ इति श्रीरामाक्षरमालास्तोत्रं सम्पूर्णम् ॥ 1. भण्डनं युद्धम्, तस्मिन् दक्षम् । 2. क्षरणं स्वेदः, तद्रहितम् ।