<page>
<ignore>१८०
 
सर्ववेदान्तसिद्धान्तसारसंग्रहः ।
 
</ignore>
<verse>मूढानां प्रतिबिम्बाददौ बालानामिव दृश्यते ।

सादृश्यं विद्यते बुद्धावात्मनोऽध्यासकारणम् ॥ ४८४ ॥
 
</verse>
<verse>अनात्मन्यमित्येव योऽयमध्यास ईरितः ।

स्यादुत्तरोत्तराध्यासे पूर्वपूर्वस्तु कारणम् ॥ ४८५ ॥
 
</verse>
<verse>सुप्तिमूर्छोत्थितेष्वेव दृष्टः संसारलक्षणः ।
 

अनादिरेषाविद्यातः संस्कारोऽपि च तादृशः ॥ ४८६ ॥
 
</verse>
<verse>अध्यासबाधागमनस्य कारणं
 

शृणु प्रवक्ष्यामि समाहितात्मा ।
 

यस्मादिदं प्राप्तमनर्थजातं
 

जन्माप्ययव्याधिजरादिदुःखम् ॥ ४८७ ॥
 
</verse>
<verse>आत्मोपाधेरविद्याया अस्ति शक्तिद्वयं महत् ।
 

विक्षेप आवृतिश्चेति याभ्यां संसारंर आत्मनः ॥ ४८८ ॥
 
</verse>
<verse>आवृतिस्तमसः शक्तिस्तद्ध्यावरणकारणम् ।
 

मूलाविद्येति सा प्रोक्ता यया संमोहितं जगत् ॥ ४८९ ॥
 
</verse>
<verse merge-next="true">विवेकवानप्यतियौक्तिकोऽपि
 

श्रुतात्मतत्त्वोऽपि च पण्डितोऽपि ।
 
</verse>
</page>