Reports » यमुनाष्टकम् (१)

<trailer/>

<lg n="1">
  <l>मुरारिकायकालिमाललामवारिधारिणी</l>
  <l>तृणीकृतत्रिविष्टपा त्रिलोकशोकहारिणी ।</l>
  <l>मनोनुकूलकूलकुञ्जपुञ्जधूतदुर्मदा</l>
  <l>धुनोतु नो मनोमलं कलिन्दनन्दिनी सदा ॥ १ ॥</l>
</lg>

<lg n="2">
  <l>मलापहारिवारिपूरिभूरिमण्डितामृता</l>
  <l>भृशं प्रवातकप्रपञ्चनातिपण्डितानिशा ।</l>
  <l>सुनन्दनन्दिनाङ्गसङ्गरागरञ्जिता हिता</l>
  <l>धुनोतु नो मनोमलं कलिन्दनन्दिनी सदा ॥ २ ॥</l>
</lg>

<lg n="3">
  <l>लसत्तरङ्गसङ्गधूतभूतजातपातका</l>
  <l>नवीनमाधुरीधुरीणभक्तिजातचातका ।</l>
  <l>तटान्तवासदासहंससंवृताह्निकामदा</l>
  <l>धुनोतु नो मनोमलं कलिन्दनन्दिनी सदा ॥ ३ ॥</l>
</lg>

<lg n="4">
  <l>विहाररासखेदभेदधीरतीरमारुता</l>
  <l>गता गिरामगोचरे यदीयनीरचारुता ।</l>
  <l>प्रवाहसाहचर्यपूतमेदिनीनदीनदा</l>
  <l>धुनोतु नो मनोमलं कलिन्दनन्दिनी सदा ॥ ४ ॥</l>
</lg>

<lg n="5">
  <l>तरङ्गसङ्गसैकतान्तरातितं सदासिता</l>
  <l>शरन्निशाकरांशुमञ्जुमञ्जरी सभाजिता ।</l>
  <l>भवार्चनाप्रचारुणाम्बुनाधुना विशारदा</l>
  <l>धुनोतु नो मनोमलं कलिन्दनन्दिनी सदा ॥ ५ ॥</l>
</lg>

<lg n="6">
  <l>जलान्तकेलिकारिचारुराधिकाङ्गरागिणी</l>
  <l>स्वभर्तुरन्यदुर्लभाङ्गताङ्गतांशभागिनी<supplied>।</supplied>
  </l>
  <l>स्वदत्तसुप्तसप्तसिन्धुभेदिनातिकोविदा</l>
  <l>धुनोतु नो मनोमलं कलिन्दनन्दिनी सदा ॥ ६॥</l>
</lg>

<lg n="7">
  <l>जलच्युताच्युताङ्गरागलम्पटालिशालिनी</l>
  <l>विलोलराधिकाकचान्तचम्पकालिमालिनी ।</l>
  <l>सदावगाहनावतीर्णभर्तृभृत्यनारदा</l>
  <l>धुनोतु नो मनोमलं कलिन्दनन्दिनी सदा ॥ ७ ॥</l>
</lg>

<lg n="8">
  <l>सदैव नन्दिनन्दकेलिशालिकुजमञ्जुला</l>
  <l>तटोत्थफुल्लमल्लिकाकदम्बरेणुसूज्ज्वला ।</l>
  <l>जलावगाहिनां नृणां भवाब्धिसिन्धुपारदा</l>
  <l>धुनोतु नो मनोमलं कलिन्दनन्दिनी सदा ॥ ८ ॥</l>
</lg>