<lg n="1">
  <l>सुवर्णपद्मिनीतटान्तदिव्यहर्म्यवासिने</l>
  <l>सुपर्णवाहनप्रियाय सूर्यकोटितेजसे ।</l>
  <l>अपर्णया विहारिणे फणाधरेन्द्रधारिणे</l>
  <l>सदा नमः शिवाय ते सदाशिवाय शम्भवे ॥ १ ॥</l>
</lg>

<lg n="2">
  <l>सुतुङ्गभङ्गजह्नुजासुधांशुखण्डमौलये</l>
  <l>पतङ्गपङ्कजासुहृत्कृपीटयोनिचक्षुषे ।</l>
  <l>भुजङ्गराजकुण्डलाय पुण्यकालिबन्धवे</l>
  <l>सदा नमः शिवाय ते सदाशिवाय शम्भवे ॥ २ ॥</l>
</lg>

<lg n="3">
  <l>चतुर्मुखाननारविन्दवेदगीतभूतये</l>
  <l>चतुर्भुजानुजाशरीरशोभमानमूर्तये ।</l>
  <pb n="73"/>
  <l>चतुर्गुणद्विरष्टकप्रकारचित्रकेलये</l>
  <l>सदा नमः शिवाय ते सदाशिवाय शम्भवे ॥ ३ ॥</l>
</lg>

<lg n="4">
  <l>शरन्निशाकरप्रकाशमन्दहासमञ्जुला-</l>
  <l>धरप्रवालभासमानवक्त्रमण्डलश्रिये ।</l>
  <l>करस्फुरत्कपालमुक्तविष्णुरक्तपायिने</l>
  <l>सदा नमः शिवाय ते सदाशिवाय शम्भवे ॥ ४ ॥</l>
</lg>

<lg n="5">
  <l>सहस्रपुण्डरीकपूजनैकशून्यदर्शना-</l>
  <l>सहस्वनेत्रकल्पितार्चनाच्युताय भक्तितः ।</l>
  <l>सहस्रभानुमण्डलप्रकाशचक्रदायिने</l>
  <l>सदा नमः शिवाय ते सदाशिवाय शम्भवे ॥ ५ ॥</l>
</lg>

<lg n="7">
  <l>रसारथाय रम्यपत्रभृद्रथाङ्गपाणये</l>
  <l>धराधरेन्द्रचापशिञ्जिनीकृतानिलाशिने ।</l>
  <l>सुसारथीकृतानुजानु वेदरूपवादिने</l>
  <l>सदा नमः शिवाय ते सदाशिवाय शम्भवे ॥ ७ ॥</l>
</lg>

<lg n="8">
  <l>मृकण्डुसूनुरक्षणावधूतदण्डपाणये</l>
  <l>सुखण्डमण्डलस्फुरत्प्रभाजितामृतांशवे ।</l>
  <l>अखण्डभोगसम्पदर्थलोकभावितात्मने</l>
  <l>सदा नमः शिवाय ते सदाशिवाय शम्भवे ॥ ८ ॥</l>
</lg>