<trailer/>

<lg n="1">
  <l>कदम्बकाननप्रियं चिदम्बया विहारिणं</l>
  <l>मदेभकुम्भगुम्फितस्वडिम्भलालनोत्सुकम् ।</l>
  <l>सदम्भकामखण्डनं सदम्बुवाहिनीधरं</l>
  <l>हृदम्बुजे जगद्गुरुं चिदम्बरं विभावये ॥ १ ॥</l>
</lg>

<lg n="2">
  <l>समस्तभक्तपोषणस्वहस्तबद्धकङ्कणं</l>
  <l>प्रशस्तकीर्तिवैभवं निरस्तसज्जनापदम् ।</l>
  <l>करस्थमुक्तिसाधनं शिरःस्थचन्द्रमण्डनं</l>
  <l>हृदम्बुजे जगद्गुरुं चिदम्बरं विभावये ॥ २ ॥</l>
</lg>

<lg n="3">
  <l>जटाकिरीटमण्डितं निटाललोचनान्वितं</l>
  <l>पटीकृताष्टदिक्तटं पटीरपङ्कलेपनम् ।</l>
  <l>नटौघपूर्वभाविनं कुठारपाशधारिणं</l>
  <l>हृदम्बुजे जगद्गुरुं चिदम्बरं विभावये ॥ ३ ॥</l>
</lg>

<lg n="4">
  <l>कुरङ्गशाबशोभि<add rend="brackets">तं</add>चिरं गजाननार्चितं</l>
  <l>पुराङ्गानाविचारदं वराङ्गरागरञ्जितम् ।</l>
  <l>खराङ्गजातनाशकं तुरङ्गमीकृतागमं</l>
  <l>हृदम्बुजे जगद्गुरूं चिदम्बरं विभावये ॥ ४ ॥</l>
</lg>

<lg n="5">
  <l>अमन्दभाग्यभाजनं सुमन्दहाससन्मुखं</l>
  <l>सुमन्दमन्दगामिनीगिरीन्द्रकन्यकाधवम् ।</l>
  <l>शमं दमं दयालुताममन्दयन्तमात्मनो</l>
  <l>हृदम्बुजे जगद्गुरुं चिदम्बरं विभावये ॥ ५ ॥</l>
</lg>

<lg n="6">
  <l>करीन्द्रचर्मवाससं गिरीन्द्रचापधारिणं</l>
  <l>सुरेन्द्रमुख्यपूजितं खगेन्द्रवाहनप्रियम् ।</l>
  <l>अहीन्द्रभूषणोज्ज्वलं नगेन्द्रजाविलासिनं</l>
  <l>हृदम्बुजे जगद्गुरुं चिदम्बरं विभावये ॥ ६ ॥</l>
</lg>

<lg n="7">
  <l>मलापहारिणीतटे सदा विलासकारिणं</l>
  <l>बलारिशापभञ्जनं ललामरूपलोचनम् ।</l>
  <l>लसत्फणीन्द्रहारिणं ज्वलत्त्रिशूलधारिणं</l>
  <l>हृदम्बुजे जगद्गुरूं चिदम्बरं विभावये ॥ ७ ॥</l>
</lg>

<lg n="8">
  <l>शशाङ्कभानुवीतिहोत्रराजितत्रिलोचनं</l>
  <l>विशालवक्षसं सुदीर्घबाहुदण्डमण्डितम् ।</l>
  <pb n="112"/>
  <l>दिगम्बरोल्लसद्वपुर्धरं धरारथान्वितं</l>
  <l>हृदम्बुजे जगद्गुरूं चिदम्बरं विभावये ॥ ८ ॥</l>
</lg>

<lg n="9">
  <l>सदन्तरङ्गसज्जनौघपापसङ्घनाशने</l>
  <l>मदान्धयुक्तदुर्जनालिशिक्षणे विचक्षणः ।</l>
  <l>चिदम्बराख्यसद्गुरुस्वरूपमेत्य भूतले</l>
  <l>सदाशिवो विराजते सदा मुदान्वितो हरः ॥ ९ ॥</l>
</lg>

<lg n="10">
  <l>चिदम्बराख्यसद्गुरोरिदं सदा विलासिनं</l>
  <l>नुदा लिखन्ति ये सकृत् सदोपमानमष्टकम् ।</l>
  <l>सदा वशे[से]त्तदालये हरिप्रिया तदानने</l>
  <l>विधिप्रिया च निश्चला जगद्गुरोरनुग्रहात् ॥ १० ॥</l>
</lg>