<trailer/>

<lg n="1">
  <l>सदञ्चितमुदञ्चितनिकुञ्चितपदार्पितजलञ्झलितमज्जुकटकं</l>
  <l>पतञ्चलिदृगञ्चनमचञ्चलपदं जननभञ्जनकरं गलरवम् ।</l>
  <l>कदम्बरुचिमम्बरवसं परममम्बुदकदम्बकविडम्बनकरं</l>
  <l>चिदम्बुधिमणिं बुधहृदम्बुजरविं वरचिदम्बरनटं हृदि भजे ॥ १ ॥</l>
</lg>

<lg n="2">
  <l>हरं त्रिपुर<add rend="brackets">भञ्जनमनन्तकृत</add>कङ्कणमखण्डद्यमन्तरहितं</l>
  <l>विरिञ्चिसुरसंहतिपुरन्दरविचिन्तितपदं तरुणचन्द्रमकुटम् ।</l>
  <l>परं परमखण्डितयमं भसितमण्डिततनुं मदनभञ्जनकरं</l>
  <l>चिरन्तनमिमं प्रणतसञ्चितनिधिं वरचिदम्बरनदं हृदि भजे ॥ २ ॥</l>
</lg>

<lg n="3">
  <l>अनन्तनवरत्नविलसत्कनककिङ्किणिझलंझलझलंझलरवं</l>
  <l>मुकुन्दविधिहस्तगतिमद्दललयध्वनिधिमिद्धिमितनर्तनपदम् ।</l>
  <l>शकुन्तरथबर्हिरथदन्तिमुखनन्दिमुखभृङ्गिनटसङ्घनिकटं</l>
  <l>सनन्दसनकप्रमुखवन्दितपदं वरचिदम्बरनदं हृदि भजे ॥ ३ ॥</l>
</lg>

<lg n="4">
  <l>अनन्तमहसं त्रिदशवन्द्यचरणं मुनिहृदन्तरवसन्तममलं</l>
  <l>कबन्धवियदावनिकगन्धवहवह्निमखिचन्द्ररविमञ्जुवपुषम् ।</l>
  <l>अनन्तविभवं त्रिजगदन्तरमणिं त्रिणयनं त्रिपुरखण्डनपरं</l>
  <l>सनन्दननिनन्दितपदं सकरुणं वरचिदम्बरनटं हृदि भजे ॥ ४ ॥</l>
</lg>

<lg n="5">
  <l>अचिन्त्यमलिबृन्दरुचिबन्धुगलमन्तकभुजङ्गमविहङ्गमपतिं</l>
  <l>मुकुन्दसुरबृन्दबलहन्तृकृतवन्दनलसन्तमहिकुण्डलधरम् ।</l>
  <l>अकम्पमनुकम्पनरतिं गलनिपङ्गिगरलं भवमतङ्गजहरिं</l>
  <l>पतञ्जलिधनं प्रणतसञ्चितनिधिं वरचिदम्बरनटं हृदि भजे ॥ ५ ॥</l>
</lg>

<lg n="6">
  <l>अवन्तमखिलं जगदभङ्गगुणतुङ्गमवतंसितविधुं सुरसरि-</l>
  <l>त्तरङ्गनिकुरुम्बवृतलम्बनजटं शमनडम्भहरणं भवहरम् ।</l>
  <l>शिवं दशदिगन्तरनिरन्तरविजृम्भितकरं करलसन्मृगशिशुं</l>
  <l>भवं शशिधनञ्जयपतङ्गनयनं वरचिदम्बरनटं हृदि भजे ॥ ६ ॥</l>
</lg>

<lg n="7">
  <l>परं पुरहरं सुरवरं पशुपतिं जनितदन्तिमुखषण्मुखविभुं</l>
  <l>मृडं कनकपिङ्गलजटिं सनकपङ्कजरविं शमितसंयमिशुचिम् ।</l>
  <l>शिवं कलभचर्मवसनं जलधिजन्मगरलं कबलयन्तममलं</l>
  <l>दृढं प्रणवकन्दमभयं करपदं वरचिदम्बरनटं हृदि भजे ॥ ७ ॥</l>
</lg>

<lg n="8">
  <l>अजक्षितिरथं भुजगपुङ्गवगुणं कनकशृङ्गधनुषं करलस-</l>
  <l>त्कुरङ्गपृथुटङ्कपरशुं रुचिरकुङ्कुमरुचिं डमरुकं च दधतम् ।</l>
  <l>मुकुन्दविशिखं प्रणतबृन्दफलदं निगमतुङ्गतुरगं निरुपमं</l>
  <l>सुगन्धितमहं झटिति संहृतपुरं वरचिदम्बरनटं हृदि भजे ॥ ८ ॥</l>
</lg>

<lg n="9">
  <l>अनङ्गपरिपन्थिनमजं क्षितिधुरंधरमलं करुणयन्तममलं</l>
  <l>ज्वलन्तमनलं दधतमन्तकरिपुं सततमिन्द्रसुरवन्दितपदम् ।</l>
  <l>उदञ्चितरवह्निरुचिगन्धमरविन्दकुलबन्धुरुचिसङ्घवपुषं</l>
  <l>पतञ्जलिधनं प्रणतसञ्चितनिधिं वरचिदम्बरनटं हृदि भजे ॥ ९ ॥</l>
</lg>

<lg n="10">
  <l>अखण्डविधुमण्डलमुखं डमरुमण्डितकरं कनकमण्डपगृहं</l>
  <l>स्वगण्डतलकुण्डलितकुण्डलिपमण्डलितमण्डलपिचण्डमतुलम् ।</l>
  <pb n="109"/>
  <l>मृकण्डुसुतचण्डतरदण्डधरलुण्ठनपरं हृदयमण्डपरशुं</l>
  <l>शिखण्डशशिखण्डमणिमण्डनपरं वरचिदम्बरनटं हृदि भजे ॥ १० ॥</l>
</lg>

<lg n="11">
  <l>भस्मानि पान्तु परमेश्वरदिव्यदेह-</l>
  <l>सम्पर्कसौरभपवित्रकराणि चास्मान् ।</l>
  <l>रोगारिपापभय<ellipsis>. . . . . . </ellipsis>?</l>
  <l>रक्षाकराण्यखिललोकवशीकराणि ॥ ११ ॥</l>
</lg>