Reports » शिवपादादिकेशान्तवर्णनस्तोत्रम्

<lg n="1">
  <l>कल्याणं नो विधत्तां कटकतटलसत्कल्पवाटीनिकुञ्ज-</l>
  <l>क्रीडासंसक्तविद्याधरनिकरवधूगीतरुद्रापदानः ।</l>
  <l>तारैर्हेरम्बनादैस्तरलितनिनदत्तारकारातिकेकी</l>
  <l>कैलासः शर्वनिर्वृत्यभिजनकपदः सर्वदा पर्वतेन्द्रः ॥ १ ॥</l>
</lg>

<lg n="3">
  <l>आतङ्कावेगहारी सकलदिविषदामङ्घ्रिपद्माश्रयाणां</l>
  <l>मातङ्गाद्युग्रदैत्यप्रकरतनुगलद्रक्तधाराक्तधारः ।</l>
  <l>क्रूरः सूरायुतानामपि च परिभवं स्वीयभासा वितन्व-</l>
  <l>न्घोराकारः कुठारो दृढतरदुरिताख्याटवीं पाटयेन्नः ॥</l>
</lg>

<lg n="5">
  <l>देवस्याङ्काश्रयायाः कुलगिरिदुहितुर्नेत्रकोणप्रचार-</l>
  <l>प्रस्तारानत्युदारान्पिपठिषुरिव यो नित्यमत्यादरेण ।</l>
  <l>आधत्ते भङ्गितुङ्गैरनिशमवयवैरन्तरङ्गं समोदं</l>
  <l>सोमापीडस्य सोऽयं प्रदिशतु कुशलं पाणिरङ्गः कुरङ्गः ॥</l>
</lg>

<lg n="13">
  <l>मुक्तामाणिक्यजालैः परिकलितमहासालमालोकनीयं</l>
  <l>प्रत्युप्तानर्धररत्नैर्दिशि दिशि भवनैः कल्पितैर्दिक्पतीनाम् ।</l>
  <l>उद्यानैरद्रिकन्यापरिजनवनितामाननीयैः परीतं</l>
  <l>हृद्यं हृद्यस्तु नित्यं मम भुवनपतेर्धाम सोमार्धमौलेः ॥</l>
</lg>

<lg n="15">
  <l>न्यस्तो मध्ये सभायाः परिसरविलसत्पादपीठाभिरामो</l>
  <l>हृयः पादैश्चतुर्भिः कनकमणिमयैरुच्चकैरुज्ज्वलात्मा ।</l>
  <l>वासोरत्नेन केनाप्यधिकमृदुतरेणास्तृतो विस्तृतश्रीः</l>
  <l>पीठः पीडाभरं नः शमयतु शिवयोः स्वैरसंवासयोग्यः ॥</l>
</lg>

<lg n="16">
  <l>आसीनस्याधिपीठं त्रिजगदधिपतेरङ्घ्रिपीठानुषक्तौ</l>
  <l>पाथोजाभोगभाजी परिमृदुलतलोल्लासिपद्मादिरेखौ ।</l>
  <l>पातां पादावुभौ तौ नमदमरकिरीटोल्लसच्चारुहीर-</l>
  <l>श्रेणीशोणायमानोन्नतनखदशकोद्भासमानौ समानौ ॥</l>
</lg>

<lg n="17">
  <l>यन्नादो वेदवाचां निगदति निखिलं लक्षणं पक्षिकेतु-</l>
  <l>र्लक्ष्मीसंभोगसौख्यं विरचयति ययोश्चापरे रूपभेदे ।</l>
  <l>शंभोः संभावनीये पदकमलसमासङ्गतस्तुङ्गशोभे</l>
  <l>माङ्गल्यं नः समग्रं सकलसुखकरे नूपुरे पूरयेताम् ॥</l>
</lg>

<lg n="18">
  <l>अङ्गे शृङ्गारयोनेः सपदि शलभतां नेत्रवह्नौ प्रयाते</l>
  <l>शत्रोरुद्धृत्य तस्मादिषुधियुगमधो न्यस्तमग्रे किमेतत् ।</l>
  <l>शङ्कामित्थं नतानाममरपरिषदामन्तरङ्कूरयत्त-</l>
  <l>त्संघातं चारु जङ्घायुगमखिलपतेरंहसां संहरेन्नः ॥ १८ ॥</l>
</lg>

<lg n="23">
  <l>आश्लेषेष्वद्रिजायाः कठिनकुचतटीलिप्तकाश्मीरपङ्क-</l>
  <l>व्यासङ्गादुद्यदर्कद्युतिभिरुपचितस्पर्धमुद्दामहृद्यम्<supplied>।</supplied>
  </l>
  <l>दक्षारातेरुदूढप्रतिनवमणिमालावलीभासमानं</l>
  <l>वक्षो विक्षोभिताघं सततनतिजुषां रक्षतादक्षतं नः ॥</l>
</lg>

<lg n="29">
  <l>याभ्यां कालव्यवस्था भवति तनुमतां यो मुखं देवतानां</l>
  <l>येषामाहुः स्वरूपं जगति मुनिवरा देवतानां त्रयीं ताम् ।</l>
  <l>रुद्राणीवक्त्रपङ्केरुहसततविहारोत्सुकेन्दिन्दिरेभ्य-</l>
  <l>स्तेभ्यस्त्रिभ्यः प्रणामाञ्जलिमुपरचये श्रीक्षणस्येक्षणेभ्यः ॥</l>
</lg>

<lg n="32">
  <l>स्वामिन्गङ्गामिवाङ्गीकुरु तव शिरसा मामपीत्यर्थयन्तीं</l>
  <l>धन्यां कन्यां खरांशोः शिरसि वहति किं न्वेष कारुण्यशाली ।</l>
  <l>इत्थं शङ्कां जनानां जनयदतिघनं कैशिकं कालमेघ-</l>
  <l>च्छायं भूयादुदारं त्रिपुरविजयिनः श्रेयसे भूयसे नः ॥</l>
</lg>

<lg n="35">
  <l>कान्त्या संफुल्लमल्लीकुसुमधवलया व्याप्य विश्वं विराज-</l>
  <l>न्वृत्ताकारो वितन्वन्मुहुरपि च परां निर्वृतिं पादभाजाम् ।</l>
  <l>सानन्दं नन्दिदोष्णा मणिकटकवता वाह्यमानः पुरारेः</l>
  <l>श्वेतच्छत्राख्यशीतद्युतिरपहरतादापदस्तापदा नः ॥ ३५ ॥</l>
</lg>

<lg n="37">
  <l>स्वर्गौकः सुन्दरीणां सुललितवपुषां स्वामिसेवापराणां</l>
  <l>वल्गद्भूषाणि वक्राम्बुजपरिविगलन्मुग्धगीतामृतानि ।</l>
  <l>नित्यं नृत्तान्युपासे भुजविधुतिपदन्यासभावावलोक-</l>
  <l>प्रत्युद्यत्प्रीतिमाद्यत्प्रमथनटनटीदत्तसंभावनानि ॥ ३७ ॥</l>
</lg>

<lg n="39">
  <l>चेतो जातप्रमोदं संपदि विदधती प्राणिनां वाणिनीनां</l>
  <l>पाणिद्वन्द्वाग्रजाग्रत्सुललितरणितस्वर्णतालानुकूला ।</l>
  <l>स्वीयारावेण पाथोधररवपटुना नादयन्ती मयूरीं</l>
  <l>मायूरी मन्दभावं मणिमुरजभवा मार्जना मार्जयेन्नः ॥</l>
</lg>