Reports » शिवानन्दलहरी

<lg n="1">
  <l>कलाभ्यां चूडालंकृतशशिकलाभ्यां निजतपः-</l>
  <l>फलाभ्यां भक्तेषु प्रकटितफलाभ्यां भवतु मे ।</l>
  <l>शिवाभ्यामस्तोकत्रिभुवनशिवाभ्यां हृदि पुन-</l>
  <l>र्भवाभ्यामानन्दस्फुरदनुभवाभ्यां नतिरियम् ॥ १ ॥</l>
</lg>

<lg n="8">
  <l>यथा बुद्धिः शुक्तौ रजतमिति काचाश्मनि मणि-</l>
  <l>र्जले पैष्टे क्षीरं भवति मृगतृष्णासु सलिलम् ।</l>
  <l>तथा देवभ्रान्त्या भजति भवदन्यं जडजनो</l>
  <l>महादेवेशं त्वां मनसि च न मत्वा पशुपते ॥ ८ ॥</l>
</lg>

<lg n="13">
  <l>असारे संसारे निजभजनदूरे जडधिया</l>
  <l>भ्रमन्तं मामन्धं परमकृपया पातुमुचितम् ।</l>
  <l>मदन्यः को दीनस्तव कृपणरक्षातिनिपुण-</l>
  <l>स्त्वदन्यः को वा मे त्रिजगति शरण्यः पशुपते ॥ १३ ॥</l>
</lg>

<lg n="16">
  <l>विरिञ्चिर्दीर्घायुर्भवतु भवता तत्परशिर-</l>
  <l>श्चतुष्कं संरक्ष्यं स खलु भुवि दैन्यं लिखितवान् ।</l>
  <l>विचारः को वा मां विशद कृपया पाति शिव ते</l>
  <l>कटाक्षव्यापारः स्वयमपि च दीनावनपरः ॥ १६ ॥</l>
</lg>

<lg n="24">
  <l>कदा वा कैलासे कनकमणिसौधे सह गणै-</l>
  <l>र्वसञ्शंभोरग्रे स्फुटघटितमूर्धाञ्जलिपुटः ।</l>
  <l>विभो साम्ब स्वामिन्परमशिव पाहीति निगद-</l>
  <l>न्विधातॄणां कल्पान्क्षणमिव विनेष्यामि सुखतः ॥ २४ ॥</l>
</lg>

<lg n="34">
  <l>किं ब्रूमस्तव साहसं पशुपते कस्यास्ति शंभो भव-</l>
  <l>द्धैर्यं चेदृशमात्मनः स्थितिरियं चान्यैः कथं लभ्यते ।</l>
  <l>बृश्यद्देवगणं त्रसन्मुनिगणं नश्यत्प्रपञ्चं लयं</l>
  <l>पश्यन्निर्भय एक एव विहरत्यानन्दसान्द्रो भवान् ॥</l>
</lg>

<lg n="36">
  <l>भक्तो भक्तिगुणावृते मुदमृतापूर्णे प्रसन्ने मनः-</l>
  <l>कुम्भे साम्ब तवाङ्घ्रिपल्लवयुगं संस्थाप्य संवित्फलम् ।</l>
  <l>सत्त्वं मन्त्रमुदीरयन्निजशरीरागारशुद्धिं वह-</l>
  <l>न्पुण्याहं प्रकटीकरोमि रुचिरं कल्याणमापादयन् ॥</l>
</lg>

<lg n="42">
  <l>गाम्भीर्यं परिखापदं घनधृतिः प्राकार उद्यद्गुण-</l>
  <l>स्तोमश्चाप्तबलं घनेन्द्रियचयो द्वाराणि देहे स्थितः ।</l>
  <l>विद्या वस्तुसमृद्धिरित्यखिलसामग्रीसमेते सदा</l>
  <l>दुर्गातिप्रियदेव मामकमनोदुर्गे निवासं कुरु ॥ ४२ ॥</l>
</lg>

<lg n="43">
  <l>मा गच्छ त्वमितस्ततो गिरिश भो मय्येव वासं कुरु</l>
  <l>स्वामिन्नादिकिरात मामकमनःकान्तारसीमान्तरे ।</l>
  <l>वर्तन्ते बहुशो मृगा मदजुषो मात्सर्यमोहादय-</l>
  <l>स्तान्हत्वा मृगयाविनोदरुचितालाभं च संप्राप्स्यसि ॥</l>
</lg>

<lg n="49">
  <l>आनन्दामृतपूरिता हरपदाम्भोजालवालोद्यता</l>
  <l>स्थैयों पनमुपेत्य भक्तिलतिका शाखोपशाखान्विता ।</l>
  <l>उच्चैर्मानसकायमान पटलीमाक्रम्य निष्कल्मषा</l>
  <l>नित्याभीष्टफलप्रदा भवतु मे सत्कर्मसंवर्धिता ॥ ४९ ॥</l>
</lg>

<lg n="54">
  <l>संध्या घर्मदिनात्ययो हरिकराघातप्रभूतानक-</l>
  <l>ध्वानो वारिदगर्जितं दिविषदां दृष्टिच्छटा चञ्चला ।</l>
  <l>भक्तानां परितोषबाष्पविततिर्वृष्टिर्मयूरी शिवा</l>
  <l>यस्मिन्नुज्ज्वलताण्डवं विजयते तं नीलकण्ठं भजे ॥ ५४ ॥</l>
</lg>

<lg n="57">
  <l>नित्यं स्वोदरपूरणाय सकलानुद्दिश्य वित्ताशया</l>
  <l>व्यर्थं पर्यटनं करोमि भवतः सेवां न जाने विभो ।</l>
  <l>मज्जन्मान्तरपुण्यपाकबलतस्त्वं शर्व सर्वान्तर-</l>
  <l>स्तिष्ठस्येव हि तेन वा पशुपते ते रक्षणीयोऽस्म्यहम् ॥</l>
</lg>

<lg n="58">
  <l>एको वारिजबान्धवः क्षितिनभोव्याप्तं तमोमण्डलं</l>
  <l>भित्त्वा लोचनगोचरोऽपि भवति त्वं कोटिसूर्यप्रभः ।</l>
  <l>वेद्यः किं न भवस्यहो घनतरं कीदृग्भवेन्मत्तम-</l>
  <l>स्तत्सर्वं व्यपनीय मे पशुपते साक्षात्प्रसन्नो भव ॥ ५८ ॥</l>
</lg>

<lg n="67">
  <l>बहुविधपरितोषबाष्पपूर-</l>
  <l>स्फुटपुलकाङ्कितचारुभोगभूमिम् ।</l>
  <l>चिरपदफलकाङ्क्षिसेव्यमानां</l>
  <l>परमसदाशिवभावनां प्रपद्ये ॥ ६७ ॥</l>
</lg>

<lg n="69">
  <l>जडता पशुता कलङ्किता</l>
  <l>कुटिलचरत्वं च नास्ति मयि देव ।</l>
  <l>अस्ति यदि राजमौले</l>
  <l>भवदाभरणस्य नास्मि किं पात्रम् ॥ ६९ ॥</l>
</lg>

<lg n="71">
  <l>आरूढभक्तिगुणकुञ्चितभावचाप-</l>
  <l>युक्तैः शिवस्मरणबाणगणैरभोधैः ।</l>
  <l>निर्जित्य किल्बिषरिपून्विजयी सुधीन्द्रः</l>
  <l>सानन्दमावहति सुस्थिरराजलक्ष्मीम् ॥ ७१ ॥</l>
</lg>

<lg n="72">
  <l>ध्यानाञ्जनेन समवेक्ष्य तमःप्रदेश</l>
  <l>भित्त्वा महाबलिभिरीश्वरनाममन्त्रैः ।</l>
  <l>दिव्याश्रितं भुजगभूषणमुद्वहन्ति</l>
  <l>ये पादपद्ममिह ते शिव ते कृतार्थाः ॥ ७२ ॥</l>
</lg>

<lg n="74">
  <l>आशापाशक्लेशदुर्वासनादि-</l>
  <l>भेदोद्युक्तैर्दिव्यगन्धैरमन्दैः ।</l>
  <l>आशाशाटीकस्य पादारविन्दं</l>
  <l>चेतःपेटीं वासितां मे तनोतु ॥ ७४ ॥</l>
</lg>

<lg n="76">
  <l>भक्तिर्महेशपदपुष्करमावसन्ती</l>
  <l>कादम्बिनीव कुरुते परितोषवर्षम् ।</l>
  <l>संपूरितो भवति यस्य मनस्तटाक-</l>
  <l>स्तज्जन्मसस्यमखिलं सफलं च नान्यत् ॥ ७६ ॥</l>
</lg>

<lg n="77">
  <l>बुद्धिः स्थिरा भवितुमीश्वरपादपद्म-</l>
  <l>सक्ता वधूर्विरहिणीव सदा स्मरन्ती ।</l>
  <l>सद्भावनास्मरणदर्शनकीर्तनादि</l>
  <l>संमोहितेव शिवमन्त्रजपेन विन्त्ते ॥ ७७ ॥</l>
</lg>

<lg n="79">
  <l>नित्यं योगिमनःसरोजदलसंचारक्षमस्त्वत्क्रमः</l>
  <l>शंभो तेन कथं कठोरयमराड्वक्षः कवाटक्षतिः ।</l>
  <l>अत्यन्तं मृदुलं त्वदङ्घ्रियुगलं हा मे मनश्चिन्तय-</l>
  <l>त्येतल्लोचनगोचरं कुरु विभो हस्तेन संवाहये ॥ ७९ ॥</l>
</lg>

<lg n="80">
  <l>एष्यत्येष जनिं मनोऽस्य कठिनं तस्मिन्नटानीति म-</l>
  <l>द्रक्षायै गिरिसीम्नि कोमलपदन्यासः पुराभ्यासितः ।</l>
  <l>नो चेद्दिव्यगृहान्तरेषु सुमनस्तल्पेषु वेद्यादिषु</l>
  <l>प्रायः सत्सु शिलातलेषु नटनं शंभो किमर्थं तव ॥</l>
</lg>

<lg n="88">
  <l>यदा कृताम्भोनिधिसेतुबन्धनः</l>
  <l>करस्थलाधःकृतपर्वताधिपः ।</l>
  <l>भवानि ते लङ्घितपद्मसंभव-</l>
  <l>स्तदा शिवार्चस्तवभावनक्षमः ॥ ८८ ॥</l>
</lg>

<lg n="92">
  <l>दूरीकृतानि दुरितानि दुरक्षराणि</l>
  <l>दौर्भाग्यदुःखदुरहंकृतिदुर्वचांसि ।</l>
  <l>सारं त्वदीयचरितं नितरां पिबन्तं</l>
  <l>गौरीश मामिह समुद्धर सत्कटाक्षैः ॥ ९२ ॥</l>
</lg>

<lg n="100">
  <l>स्तोत्रेणालमहं प्रवच्मि न मृषा देवा विरिञ्चादयः</l>
  <l>स्तुत्यानां गणनाप्रसङ्गसमये त्वामग्रगण्यं विदुः ।</l>
  <l>माहात्म्याग्रिविचारणप्रकरणे धानातुषस्तोमव-</l>
  <l>द्धूतास्त्वां विदुरुत्तमोत्तमफलं शंभो भवत्सेवकाः ॥</l>
</lg>