Reports » शिवकेशादिपादान्तवर्णनस्तोत्रम्

<lg n="1">
  <l>देयासुर्मूर्ध्नि राजत्सरससुरसरित्पारपर्यन्तनिर्य-</l>
  <l>त्प्रांशुस्तम्बाः पिशङ्गास्तुलितपरिणतारक्तशालीलता वः ।</l>
  <l>दुर्वारापत्तिगर्तश्रितनिखिलजनोत्तारणे रज्जुभूता</l>
  <l>घोराघोर्वीरुहालीदहनशिखिशिखाः शर्म शार्वाः कपर्दाः ॥</l>
</lg>

<lg n="2">
  <l>कुर्वन्निर्वाणमार्गप्रगमपरिलसद्रूप्यसोपानशङ्कां</l>
  <l>शक्रारीणां पुराणां त्रयविजयकृतस्पष्टरेखायमाणम् ।</l>
  <l>अव्यादव्याजमुच्चैरलिकहिमधराधित्यकान्तस्त्रिधोद्य-</l>
  <l>ज्जाह्नव्याभं मृडानीकमितुरुडुपरुक्पाण्डरं वस्त्रिपुण्ड्रम् ॥</l>
</lg>

<lg n="6">
  <l>चण्डीवक्त्रार्पणेच्छोस्तदनु भगवतः पाण्डुरुक्पाण्डुगण्ड-</l>
  <l>प्रोद्यत्कण्डूं विनेतुं वितनुत इव ये रत्नकोणैर्विघृष्टिम् ।</l>
  <l>चण्डार्चिर्मण्डलाभे सततनतजनध्वान्तखण्डातिशौण्डे</l>
  <l>चण्डीशे ते श्रिये स्तामधिकमवनताखण्डले कुण्डले वः ॥</l>
</lg>

<lg n="7">
  <l>खट्वाङ्गोदप्रपाणेः स्फुटविकटपुटो वक्त्ररन्ध्रप्रवेश-</l>
  <l>प्रेप्सूदञ्चत्फणोरुश्वसदतिधवलाहीन्द्रशङ्कां दधानः ।</l>
  <l>युष्माकं कम्रवक्त्राम्बुरुहपरिलसत्कर्णिकाकारशोभः</l>
  <l>शश्वत्त्राणाय भूयादलमतिविमलोत्तुङ्गकोणः स घोणः ॥</l>
</lg>

<lg n="9">
  <l>यो भासा भात्युपान्तस्थित इव निभृतं कौस्तुभो द्रष्टुमिच्छ-</l>
  <l>न्सोत्थस्नेहान्नितान्तं गलगतगरलं पत्युरुच्चैः पशूनाम् ।</l>
  <l>प्रोद्यत्प्रेम्णा यमार्द्रा पिबति गिरिसुता संपदः सातिरेका</l>
  <l>लोकाः शोणीकृतान्ता यदधरमहसा सोऽधरो वो विधत्ताम् ॥</l>
</lg>

<lg n="12">
  <l>भासा यस्य त्रिलोकी लसति परिलसत्फेनबिन्द्वर्णवान्त-</l>
  <l>र्व्यामग्नेवातिगौरस्तुलितसुरसरिद्वारिपूरप्रसारः ।</l>
  <l>पीनात्मा दन्तभाभिर्भृशमहहहकारातिभीमः सदेष्टां</l>
  <l>पुष्टां तुष्टिं कृषीष्ट स्फुटमिह भवतामट्टहासोऽष्टमूर्तेः ॥</l>
</lg>

<lg n="16">
  <l>प्रौढप्रेमाकुलाया दृढतरपरिरम्भेषु पर्वेन्दुमुख्याः</l>
  <l>पार्वत्याश्चारुचामीकरवलयपदैरङ्कितं कान्तिशालि ।</l>
  <l>रङ्गन्नागाङ्गदाढ्यं सततमविहितं कर्म निर्मूलयेत्त-</l>
  <l>द्दोर्मूलं निर्मलं यद्धृदि दुरितमपास्यार्जितं धूर्जटेर्वः ॥</l>
</lg>

<lg n="19">
  <l>मुक्तामुक्ते विचित्राकुलवलिलहरीजालशालिन्यवाञ्च-</l>
  <l>न्नाभ्यावर्ते विलोलद्भुजगवरयुते कालशत्रोर्विशाले</l>
  <l>युष्मच्चित्तत्रिधामा प्रतिनवरुचिरे मन्दिरे कान्तिलक्ष्म्याः</l>
  <l>शेतां शीतांशुगौरे चिरतरमुदरक्षीरसिन्धौ सलीलम् ॥</l>
</lg>

<lg n="20">
  <l>वैयाघ्नी यत्र कृत्तिः स्फुरति हिमगिरेर्विस्तृतोपत्यकान्तः</l>
  <l>सान्द्रावश्यायमिश्रा परित इव वृता नीलजीमूतमाला ।</l>
  <l>आबद्धाहीन्द्रकाञ्चीगुणमतिपृथुलं शैलजाक्रीडभूमि-</l>
  <l>स्तद्वो निःश्रेयसे स्याज्जघनमतिघनं बालशीतांशुमौलेः ॥</l>
</lg>

<lg n="23">
  <l>मञ्जीरीभूतभोगिप्रवरगणफणामण्डलान्तर्नितान्त-</l>
  <l>व्यादीर्घानर्घरत्नद्युतिकिसलयिते स्तूयमाने द्युसद्भिः ।</l>
  <l>बिभ्रत्यौ विभ्रमं वः स्फटिकमणिबृहद्दण्डवद्भासिते ये</l>
  <l>जङ्घे शङ्खेन्दुशुभ्रे भृशमिह भवतां मानसे शूलपाणेः ॥</l>
</lg>

<lg n="25">
  <l>याः स्वस्यैकांशपातादतिबलहगलद्रक्तवक्त्रं प्रणुन्न-</l>
  <l>प्राणं प्राक्रोशयन्प्राङ् निजमचलवरं चालयन्तं दशास्यम् ।</l>
  <l>पादाङ्गुल्यो दिशन्तु द्रुतमयुगदृशः कल्मषप्लोषकल्याः</l>
  <l>कल्याणं फुल्लमाल्यप्रकरविलसिता वः प्रणद्धाहिवल्ल्यः ॥</l>
</lg>

<lg n="26">
  <l>प्रह्वप्राचीनबर्हिः प्रमुखसुरवरप्रस्फुरन्मौलिसक्त-</l>
  <l>ज्यायोरत्नोत्करोस्रैरविरतममला भूरिनीराजिता या ।</l>
  <l>प्रोदग्राग्रा प्रदेयात्ततिरिव रुचिरा तारकाणां नितान्तं</l>
  <l>नीलग्रीवस्य पादाम्बुरुहविलसिता सा नखाली सुखं वः ॥</l>
</lg>