Reports » नर्मदाष्टकम्

<trailer/>

<lg n="1">
  <l>सबिन्दुसिन्धुसुस्खलत्तरङ्गभङ्गरञ्जितं</l>
  <l>द्विषत्सु पापजातजातकादिवारिसंयुतम् ।</l>
  <l>कृतान्तदूतकालभूतभीतिहारिवर्मदे</l>
  <l>त्वदीयपादपङ्कजं नमामि देवि नर्मदे ॥ १ ॥</l>
</lg>

<lg n="2">
  <l>त्वदम्बुलीनदीनमीनदिव्यसंप्रदायकं</l>
  <l>कलौ मलौघभारहारिसर्वतीर्थनायकम् ।</l>
  <l>सुमच्छकच्छनक्रचक्रवाकचक्रशर्मदे</l>
  <l>त्वदीयपादपङ्कजं नमामि देवि नर्मदे ॥ २ ॥</l>
</lg>

<lg n="3">
  <l>महागभीरनीरपूरपापधूतभूतलं</l>
  <l>ध्वनत्समस्तपातकारिदारितापदाचलम् ।</l>
  <l>जगल्लये महाभये मृकण्डुसूनुहर्म्यदे</l>
  <l>त्वदीयपादपङ्कजं नमामि देवि नर्मदे ॥ ३ ॥</l>
</lg>

<lg n="4">
  <l>गतं तदैव मे भयं त्वदम्बु वीक्षितं यदा</l>
  <l>मृकण्डुसूनुशौनकासुरारिसेवितं सदा ।</l>
  <l>पुनर्भवाब्धिजन्मजं भवाब्धिदुःखवर्मदे</l>
  <l>त्वदीयपादपङ्कजं नमामि देवि नर्मदे ॥ ४ ॥</l>
</lg>

<lg n="5">
  <l>अलक्ष्यलक्षकिन्नरामरासुरादिपूजितं</l>
  <l>सुलक्षनीरतीरधीरपक्षिलक्षकूजितम् ।</l>
  <l>वसिष्ठशिष्टपिप्पलादिकर्दमादिशर्मदे</l>
  <l>त्वदीयपादपङ्कजं नमामि देवि नर्मदे ॥ ५ ॥</l>
</lg>

<lg n="6">
  <l>सनत्कुमारनाचिकेतकश्यपात्रिषट्पदै-</l>
  <l>र्धृतं स्वकीयमानसेषु नारदादिषट्पदैः ।</l>
  <l>रवीन्दुरन्तिदेवदेवराजकर्मशर्मदे</l>
  <l>त्वदीयपादपङ्कजं नमामि देवि नर्मदे ॥ ६ ॥</l>
</lg>

<lg n="7">
  <l>अलक्षलक्षलक्षपापलक्षसारसायुधं</l>
  <l>ततस्तु जीवजन्तुतन्तुभुक्तिमुक्तिदायकम् ।</l>
  <l>विरिञ्चिविष्णुशंकरस्वकीयधामवर्मदे</l>
  <l>त्वदीयपादपङ्कजं नमामि देवि नर्मदे ॥ ७ ॥</l>
</lg>

<lg n="8">
  <l>अहो धृतं स्वनं श्रुतं महेशिकेशजातटे</l>
  <l>किरातसूतबाडबेषु पण्डिते शठे नटे ।</l>
  <l>दुरन्तपापतापहारि सर्वजन्तुशर्मदे</l>
  <l>त्वदीयपादपङ्कजं नमामि देवि नर्मदे ॥ ८ ॥</l>
</lg>

<lg n="9">
  <l>इदं तु नर्मदाष्ठकं त्रिकालमेव ये सदा</l>
  <l>पठन्ति ते निरन्तरं न यन्ति दुर्गतिं कदा ।</l>
  <l>सुलभ्यदेहदुर्लभं महेशधामगौरवं</l>
  <l>पुनर्भवा नरा न वै विलोकयन्ति रौरवम् ॥ ९ ॥</l>
</lg>