Reports » मायापञ्चकम्

<trailer/>

<lg n="1">
  <l>निरुपमनित्यनिरंशकेऽप्यखण्डे</l>
  <l>मयि चिति सर्वविकल्पनादिशून्ये ।</l>
  <l>घटयति जगदीशजीवभेदं</l>
  <l>त्वघटितघटनापटीयसी माया ॥ १ ॥</l>
</lg>

<lg n="2">
  <l>श्रुतिशतनिगमान्तशोधकान-</l>
  <l>प्यहह धनादिनिदर्शनेन सद्यः ।</l>
  <l>कलुषयति चतुष्पदाद्यभिन्ना-</l>
  <l>नघटितघटनापटीयसी माया ॥ २ ॥</l>
</lg>

<lg n="3">
  <l>सुखचिदखण्डविबोधमद्वितीयं</l>
  <l>वियदनलादिविनिर्मिते नियोज्य ।</l>
  <l>भ्रमयति भवसागरे नितान्तं</l>
  <l>त्वघटितघटनापटीयसी माया ॥ ३ ॥</l>
</lg>

<lg n="4">
  <l>अपगतगुणवर्णजातिभेदे</l>
  <l>सुखचिति विप्रविडाद्यहंकृतिं च ।</l>
  <l>स्फुटयति सुतदारगेहमोहं</l>
  <l>त्वघटितघटनापटीयसी माया ॥ ४ ॥</l>
</lg>

<lg n="5">
  <l>विधिहरिहरविभेदमप्यखण्डे</l>
  <l>बत विरचय्य बुधानपि प्रकामम् ।</l>
  <l>भ्रमयति हरिहरभेदभावा-</l>
  <l>नघटितघटनापटीयसी मया ॥ ५ ॥</l>
</lg>