Reports » कनकधारास्तोत्रम्

<lg n="3">
  <l>विश्वामरेन्द्रपदविभ्रमदानदक्ष-</l>
  <l>मानन्दहेतुरधिकं मुरविद्विषोऽपि ।</l>
  <l>ईषन्निषीदतु मयि क्षणमीक्षणार्द्ध-</l>
  <l>मिन्दीवरोदरसहोदरमिन्दिरायाः ॥ ३ ॥</l>
</lg>

<lg n="4">
  <l>आमीलिताक्षमधिगम्य मुदा मुकुन्द-</l>
  <l>मानन्दकन्दमनिमेषमनङ्गतन्त्रम् ।</l>
  <l>आकेकरस्थितकनीनिकपक्ष्मनेत्रं</l>
  <l>भूत्यै भवेन्मम भुजंगशयाङ्गनायाः ॥ ४ ॥</l>
</lg>

<lg n="6">
  <l>कालाम्बुदालिललितोरसि कैटभारे-</l>
  <l>र्धाराधरे स्फुरति यत्तटिदङ्गनेव ।</l>
  <l>मातुः समस्तजगतां महनीयमूर्ति-</l>
  <l>र्भद्राणि मे दिशतु भार्गवनन्दनायाः ॥ ६ ।</l>
</lg>

<lg n="8">
  <l>दद्याद्दयानुपवनो द्रविणाम्बुधरा-</l>
  <l>मस्मिन्न किंचन विहंगशिशौ विषण्णे ।</l>
  <l>दुष्कर्मधर्ममपनीय चिराय दूरं</l>
  <l>नारायणप्रणयिनीनयनाम्बुवाहः ॥ ८ ॥</l>
</lg>

<lg n="9">
  <l>इष्टाविशिष्टमतयोऽपि यया दयार्द्र-</l>
  <l>दृष्ट्या त्रिविष्टपपदं सुलभं लभन्ते ।</l>
  <l>दृष्टिः प्रहृष्टकमलोदरदीप्तिरिष्टां</l>
  <l>पुष्टिं कृषीष्ट मम पुष्करविष्टरायाः ॥ ९ ॥</l>
</lg>

<lg n="10">
  <l>गीर्देवतेति गरुडध्वजसुन्दरीति</l>
  <l>शाकंभरीति शशिशेखरवल्लभेति ।</l>
  <l>सृष्टिस्थितिप्रलयकेलिषु संस्थितायै</l>
  <l>तस्यै नमस्त्रिभुवनैकगुरोस्तरुण्यै ॥ १० ॥</l>
</lg>

<lg n="13">
  <l>संपत्कराणि सकलेन्द्रियनन्दनानि</l>
  <l>साम्राज्यदानविभवानि सरोरुहाक्षि ।</l>
  <l>त्वद्वन्दनानि दुरिताहरणोद्यतानि</l>
  <l>मामेव मातरनिशं कलयन्तु मान्ये ॥ १३ ॥</l>
</lg>

<lg n="16">
  <l>दिघ्वस्तिभिः कनककुम्भमुखावसृष्टः</l>
  <l>स्वर्वाहिनीविमलचारुजलप्लुताङ्गीम् ।</l>
  <l>प्रातर्नमामि जगतां जननीमशेष-</l>
  <l>लोकाधिनाथगृहिणीममृताब्धिपुत्रीम् ॥ १६ ॥</l>
</lg>