Reports » गोविन्दाष्टकम्

<trailer/>

<lg n="1">
  <l>सत्यं ज्ञानमनन्तं नित्यमनाकाशं परमाकाशं</l>
  <l>गोष्ठप्राङ्गणरिङ्खणलोलमनायासं परमायासम् ।</l>
  <l>मायाकल्पितनानाकारमनाकारं भुवनाकारं</l>
  <l>क्ष्मामानाथमनाथं प्रणमत गोविन्दं परमानन्दम् ॥ १ ॥</l>
</lg>

<lg n="2">
  <l>मृत्स्नामत्सीहेति यशोदाताडनशैशवसंत्रासं</l>
  <l>व्यादितवक्त्रालोकितलोकालोकचतुर्दशलोकालिम् ।</l>
  <l>लोकत्रयपुरमूलस्तम्भं लोकालोकमनालोकं</l>
  <l>लोकेशं परमेशं प्रणमत गोविन्दं परमानन्दम् ॥ २ ॥</l>
</lg>

<lg n="3">
  <l>त्रैविष्टपरिपुवीरघ्नं क्षितिभारघ्नं भवरोगघ्नं</l>
  <l>कैवल्यं नवनीताहारमनाहारं भुवनाहारम् ।</l>
  <l>वैमल्यस्फुटचेतोवृत्तिविशेषाभासमनाभासं</l>
  <l>शैवं केवलशान्तं प्रणमत गोविन्दं परमानन्दम् ॥ ३ ॥</l>
</lg>

<lg n="4">
  <l>गोपालं प्रभुलीलाविग्रहगोपालं कुलगोपालं</l>
  <l>गोपीखेलनगोवर्धनधृतिलीलालालितगोपालम् ।</l>
  <l>गोभिर्निगदितगोविन्दस्फुटनामानं बहुनामानं</l>
  <l>गोधीगोचरदूरं प्रणमत गोविन्दं परमानन्दम् ॥ ४ ॥</l>
</lg>

<lg n="5">
  <l>गोपीमण्डलगोष्ठीभेदं भेदावस्थमभेदाभं</l>
  <l>शश्वद्गोखुरनिर्धूतोद्गतधूलीधूसरसौभाग्यम् ।</l>
  <l>श्रद्धाभक्तिगृहीतानन्दमचिन्त्यं चिन्तितसद्भावं</l>
  <l>चिन्तामणिमहिमानं प्रणमत गोविन्दं परमानन्दम् ॥</l>
</lg>

<lg n="6">
  <l>स्नानव्याकुलयोषिद्वस्त्रमुपादायागमुपारुढं</l>
  <l>व्यादित्सन्तीरथ दिग्वस्त्रा दातुमुपाकर्षन्तं ताः ।</l>
  <l>निर्धूतद्वयशोकविमोहं बुद्धं बुद्धेरन्तःस्थं</l>
  <l>सत्तामात्रशरीरं प्रणमत गोविन्दं परमानन्दम् ॥ ६ ॥</l>
</lg>

<lg n="7">
  <l>कान्तं कारणकारणमादिमनादिं कालघनाभासं</l>
  <l>कालिन्दीगतकालियशिरसि सुनृत्यन्तं मुहुरत्यन्तम् ।</l>
  <l>कालं कालकलातीतं कलिताशेषं कलिदोषघ्नं</l>
  <l>कालत्रयगतिहेतुं प्रणमत गोविन्दं परमानन्दम् ॥ ७ ॥</l>
</lg>

<lg n="8">
  <l>वृन्दावनभुवि बृन्दारकगणबृन्दाराधितवन्द्याया</l>
  <l>कुन्दाभामलमन्दस्मेरसुधानन्दं सुमहानन्दम् ।</l>
  <l>वन्द्याशेषमहामुनिमानसवन्द्यानन्दपदद्वन्द्वं</l>
  <l>नन्द्याशेषगुणाब्धिं प्रणमत गोविन्दं परमानन्दम् ॥ ८ ॥</l>
</lg>

<lg n="9">
  <l>गोविन्दाष्टकमेतदधीते गोविन्दार्पितचेता यो</l>
  <l>गोविन्दाच्युत माधव विष्णो गोकुलनायक कृष्णेति ।</l>
  <l>गोविन्दाङ्घ्रिसरोजध्यानसुधाजलधौतसमस्ताघो</l>
  <l>गोविन्दं परमानन्दामृतमन्तस्थं स तमभ्येति ॥ ९ ॥</l>
</lg>