Collected works of Kavyakantha Ganapati Muni /40

<page>
<ignore lang="sa">६
 
</ignore>
<ignore lang="sa">स्तोत्रग्रन्थमाला - तृतीयो भागः
 
</ignore>
<verse lang="sa">विशदहसिते पूर्णा शान्तिः सुधाकरसोदरे

स्थिरपृथुलयोः पूर्णा शक्तिर्दृशोरतुलार्चिषोः ।

हृदयकमले नित्या निष्ठा बहिश्च सरत्प्रभे
 

रमणभगवन् को वा मौनी समस्तव भूतले ॥ ३७ ॥
 
</verse>
<verse lang="sa">देवी शक्तिरियं दृशोः श्रितजनध्वान्तक्षयाधायिनी

देवी श्रीरियमम्बुजाक्षमहिषी वक्त्रे सहस्रच्छदे ।

देवी ब्रह्मवधूरियं विजयते व्याहारगूढा परा

विश्वाचार्य महानुभाव रमण त्वां स्तौतु कः प्राकृतः ॥ ३८ ॥
 
</verse>
<verse lang="sa">सोऽहं जातो रमणभगवन् पादयोस्ते दविष्ठो

यद्यप्यस्मिन्महति समये शक्तिलास्ये प्रवृत्ते ।

सूर्यस्येव ज्वलितमहसो दूरगां नाथ शक्तिं

विश्वस्याग्य्रां तव मम मनो वीतदुःखं तथापि ॥ ३९॥
 
</verse>
<verse lang="sa">तद्भागधेयमसमानमनेकमौनि-

वासार्जितं क्षितिभृतः खलु लोहितस्य ।

अङ्गीचकार भगवान् रमणो महर्षि-

रन्येषु सत्सु यदिमं बहुषु स्थलेषु ॥ ४० ॥
 
</verse>
<verse lang="sa">शान्तिर्नितान्तमधिका परमास्य शक्ति-

र्वैराग्यमद्भुततमं करुणा तु सान्द्रा ।

ज्ञानं निरस्तकुहनं मधुरं च वृत्तं
नृ
नॄणां निदर्शनमयं रमणो महर्षिः ॥ ४१ ॥
 
</verse>
<verse lang="sa">नारसिंहिर्गणपतिर्वासिष्ठो रमणं गुरुम् ।

चत्वारिंशन्मितैः पद्यैः स्कन्दांशं स्तुतवानृषिम् ॥ ४२ ॥
 
</verse>
</page>