Collected works of Kavyakantha Ganapati Muni /39

<page>
<ignore lang="sa">श्रीरमणचत्वारिंशत्
 
</ignore>
<verse lang="sa">तव तनुर्ज्वलत्यनघ विद्युता ।
 

तव दृगातता लसति भास्वता ॥ ३० ॥
 
</verse>
<verse lang="sa">कबलितं मनस्तव विभो हृदा ।

त्वमसि सन्ततं विलसितो मुदा ॥ ३१ ॥
 
</verse>
<verse lang="sa">भुवनभूपतेर्भगवतः कृते ।

भवसि पाचको यमवतां पते ॥ ३२ ॥
 
</verse>
<verse lang="sa">नरपशूनिमानहमि ताडयन् ।

परशिवौदनं वितनुषे पचन् ॥ ३३ ॥
 
</verse>
<verse lang="sa">तिमिराणि न केवलं वचोभिः

करुणापाङ्गविलोकितैश्च नृणाम् ।

हृदये प्रसरन्ति मर्दयन्तं

भगवन्तं रमणं गुरुं नमामि ॥ ३४॥
 
</verse>
<verse lang="sa">भवजलनिधिं गाहं गाहं चिरादलसालसान्

पदजलरुहद्वन्द्वद्वीपं श्रितांस्तव सम्प्रति ।

रमणभगवन् कल्याणानां निकेतन पाहि नः

सदय दयया सिक्तैर्भक्तानपाङ्गविलोकितैः ॥ ३५ ॥
 
</verse>
<verse lang="sa">यदि न जननी स्तन्यं दद्याच्छिशोर्बत का गतिः

यदि पशुपतिः क्रोधं कुर्यात्पशोरवनं कुतः ।

यदि पदजुषामाचार्य त्वं निहंसि न संशयं

भ्रमशतपराभूता एते तरन्तु भवं कथम् ॥ ३६॥
 
</verse>
<ignore lang="sa">५
 
</ignore>
</page>