Collected works of Kavyakantha Ganapati Muni /38

← | →

2026-01-24 05:47:20 by akprasad

This page has been fully proofread once and needs a second look.

<page>
<ignore lang="sa">स्तोत्रग्रन्थमाला - तृतीयो भागः
 
</ignore>
<verse lang="sa">जन्मस्थानमवाप्य गुप्तमहमो यो भेदमाधूतवान्

भूतानां चरतां पृथग्विधधियामात्मैव यो भासते ।

देहं सर्वमिदं जगच्च विभवादाक्रम्य यः प्रोल्लस-

त्येकस्तं गुरुमूर्तिमानमत रे लम्बोदरभ्रातरम् ॥ २२॥
 
</verse>
<ignore lang="sa">४
 
</ignore>
<verse lang="sa">अन्तर्यश्च बहिर्विधूततिमिरं ज्योतिर्मयं शाश्वतं

स्थानं प्राप्य विराजते विनमतामज्ञानमुन्मूलयन् ।

पश्यन्विश्वमपीदमुल्लसति यो विश्वस्य पारे पर-

स्तस्मै श्रीरमणाय लोकगुरवे शोकस्य हन्त्रे नमः ॥ २३ ॥
 
</verse>
<verse lang="sa">प्रसरतादितः शुभविलोकितम् ।

रमण ते सकृत्फलतु मे कृतम् ॥ २४ ॥
 
</verse>
<verse lang="sa">रमण जन्मिनामयि भवान् गुरुः ।

अभिद आशयस्तव महानुरुः ॥ २५ ॥
 
</verse>
<verse lang="sa">जगदहं परः स्फुरति मे त्रयम् ।

सदभिदं गिरा तव विसंशयम् ॥ २६॥
 
</verse>
<verse lang="sa">त्वदुपदेशतो गलति संविदा ।
 

मयि निरन्यया सदहमोभिंर्भिदा ॥ २७ ॥
 
</verse>
<verse lang="sa">अहमि योऽन्तरस्तममलं हृदि ।

अनुभवेम भोस्तव कृपा यदि ॥ २८ ॥
 
</verse>
<verse lang="sa">न करुणा गुणस्तव विदां पते ।

हृदयतेजसः सहजभैवते ॥ २९ ॥
 
</verse>
</page>