Collected works of Kavyakantha Ganapati Muni /36

← | →

2026-01-24 05:40:44 by akprasad

This page has been fully proofread once and needs a second look.

<page>
<ignore lang="sa">स्तोत्रग्रन्थमाला - तृतीयो भागः
 
</ignore>
<verse lang="sa">यतिनामधिपेन कुशाग्रलसन्मतिना धृतिना शितचित्तभुवा ।

लहरींप्रमदस्य सदावहता निहतान्तरशात्रवसंहतिना ॥ ९ ॥
 
२
 
</verse>
<verse lang="sa">भगवत्पदमन्यजनासुलभं स्वगुणैरधिगत्य परं जयता ।

ममतारहितेन हितेन सतां निहितेन गणप्रभुणा हृदये ॥ १० ॥
 
</verse>
<verse lang="sa">धरणीधरजाङ्कमपि त्यजता धरणीतलवासितमोधुतये ।

नरवेषभृता नगरन्ध्रकृता रमणेन सनाथमिदं भुवनम् ॥ ११ ॥
 
</verse>
<verse lang="sa">परदेशिनेव धवलेन वाससः शकलेन वेष्टितकटीविशोभिना ।

वरदेशिकेन नरवेषधारिणा शिखिवाहनेन गुरुमज्जगद्भवेत् ॥ १२ ॥
 
</verse>
<verse lang="sa">अतीतगुणजालाय नैष्ठिकब्रह्मचारिणे ।

नमो मायामनुष्याय गुरवे तारकारये ॥ १३ ॥
 
</verse>
<verse lang="sa">यानायात्र न केकिनां कुलपतिः स्नानाय न स्वर्णदी

पानाय क्षितिभृन्महेन्द्रदुहितुर्नस्तन्यदुग्धामृतम् ।

गानाय प्रमथेश्वरास्सवयसो नैवात्र वीणाभृतो

वासं शोणगिरौ करोषि भगवन् क्रौञ्चाद्रिभेत्तः कुतः ॥ १४ ॥
 
</verse>
<verse lang="sa">एकं वक्त्रमुमाङ्कवासविरहः पाणौ न शक्त्यायुधं

मर्त्यत्वं न पताकिनी च पृतना पार्श्वद्वये नाकिनाम् ।

वेषोऽलं पुनरेष मुग्धनयनप्रच्छादने भूजुषा-

मन्तर्धानमुपैषि तारकरिपो क्व स्तन्यदायादतः ॥१५॥
 
</verse>
<verse lang="sa" merge-next="true">केचिद्योगविदां पुरःसर इति प्रज्ञानिबुद्धध्या परे

साधुः कश्चिदितीतरे गुरुधिया केऽप्यङङ्घ्रिपद्मं तव ।
 
</verse>
</page>