Collected works of Kavyakantha Ganapati Muni /108

<page>
<title lang="sa">इन्द्रसहस्रे कटाक्षस्तबकः</title>
<verse n="1" lang="sa">तं दशशताक्षं शीतलकटाक्षम् ।
नौमि धुतपाशं वज्रधरमीशम् ॥१॥</verse>
<verse lang="sa">उग्रमपि दक्षं भासुरकटाक्षम् ।
वीर्यधुतवृत्रं नौम्यदितिपुत्रम् ॥ २ ॥</verse>
<verse lang="sa">आर्तजनपक्षं रक्षककटाक्षम् ।
प्राणिगणतातं नौमि पुरुहूतम् ॥ ३॥</verse>
<verse lang="sa">देवमसदृक्षं पावनकटाक्षम् ।
नौमि बहुमायं वासवममेयम् ॥४॥</verse>
<verse lang="sa">तं पुरुषमीडे स्तुत्यगणलक्षम् ।
स्वर्भुवनराज्ञी मोहनकटाक्षम् ॥५॥</verse>
<verse lang="sa">यत्र तव दृष्टिर्वज्रधर हृद्या ।
नव्ययुगकर्त्री तत्र वरविद्या ॥ ६ ॥</verse>
<verse lang="sa">तत्र वरलक्ष्मीः सन्ततमशून्या ।
तत्र सुगुणानां सम्पदपि मान्या ॥७॥</verse>
<verse lang="sa">तत्र बलमुग्रं शत्रुमदहारि ।
तत्र नयवित्त्वं विश्वहितकारि ॥ ८ ॥</verse>
</page>