भासनाटकचक्रम् (Plays Ascribed to Bhasa) /371

← | →

2026-01-30 06:04:22 by akprasad

This page has been fully proofread once and needs a second look.

<page>
<ignore>३४४
 
अभिकनाटके
 
</ignore>
<ignore>[iii. 17. -
 
</ignore>
<p><speaker>हनूमान् -</speaker> एवंविधेन भवता किमर्थं प्रच्छन्नं तस्य दारापहरणं कृतम् ।
 
</p>
<p><speaker>विभीषणः -</speaker> सम्यगाह हनूमान् ।
 
</p>
<verse>अपास्य मायया रामं त्वया राक्षसपुङ्गव ! ।
 

भिक्षुवेषं समास्थाय च्छलेनापहृता हि सा ॥ १८ ॥
 
</verse>
<p><speaker>रावणः -</speaker> विभीषण ! किं विपक्षपक्षमवलम्बसे ।
 
</p>
<p><speaker>विभीषण:-
 
</speaker></p>
<verse>प्रसीद राजन् ! वचनं हितं मे प्रदीयतां राघवधर्मपत्नी ।

इदं कुलं राक्षसपुङ्गवेन त्वया हि नेच्छामि विपद्यमानम् ॥१९॥
</verse>
<p><speaker>रावण :-</speaker> विभीषण ! अलमलं भयेन ।
 
</p>
<verse>कथं लम्बसटः सिंहो मृगेण विनिपात्यते ।
 

गजो वा सुमहान् मत्तः शृगालेन निहन्यते ॥ २० ॥
</verse>
<p><speaker>हनूमान् -</speaker> भो रावण ! विपद्यमानभाग्येन भवता किं युक्तं राघवमेव
वं
वक्तुम् । मा तावद् भोः !
 
</p>
<verse>नक्तञ्चरापसद ! रावण ! राघवं तं
 

वीराग्रगण्यमतुलं त्रिदशेन्द्रकल्पम् ।

प्रक्षीणपुण्य ! भवता भुवनैकनाथं
 

वक्तुं किमेवमुचितं गतसार ! नीचैः ॥ २१ ॥
 
</verse>
<p><speaker>रावणः-</speaker> कथं कथं नामाभिधत्ते । हन्यतामयं वानरः । अथवा दूत-

वधः खलु वचनीयः । शङ्कुकर्ण ! लाङ्गूलमादीप्य विसृज्यतामयं
३
वानरः ।
 
</p>
<p><speaker>शङ्कुकर्ण: -</speaker> यदाज्ञापयति महाराजः । इत इतः ।
 
</p>
<p><speaker>रावणः -</speaker> अथवा एहि तावत् ।
 
६ </p>
<p><speaker>हनूमान् -</speaker>अयमस्मि ।
 
</p>
<p><speaker>रावण:-</speaker> अभिधीयतां मद्वचनात् स मानुषः ।
 
</p>
<ignore>२४
 
</ignore>
</page>